ଶବ ଶୋଭାଯାତ୍ରାରେ ସାମାଜିକ ଦୂରତା ଉଲ୍ଲଂଘନ ପରେ ରୁଜୁ ହେଲା ମାମଲା, ଟୁଇଟ୍ କରି ସୂଚନା ଦେଲେ ରାଉରକେଲା ଏସପି
ଜାତୀୟ ଗଣମାଧ୍ୟମରେ ଜୋରଦାର ଚର୍ଚ୍ଚା
ରାଉରକେଲା: କୋଭିଡ-୧୯ର ନିୟମ ଭାଙ୍ଗିବା ପଡିଲା ମହଙ୍ଗା | ରାଉରକେଲାରେ ଶବ ଶୋଭାଯାତ୍ରା ବେଳେ କୋଭିଡ ନିୟମ ଭାଙ୍ଗି ଏକତ୍ର ହୋଇଥିବା ବ୍ୟକ୍ତିମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେଇଛି ପୁଲିସ | ପାଖାପାଖି ୫୦୦ ଜଣଙ୍କ ନାମରେ ମାମଲା ରୁଜୁ କରାଯାଇଥିବା ରାଉରକେଲା ଏସପି ଟ୍ୱିଟର ମାଧ୍ୟମରେ ସୂଚନା ଦେଇଛନ୍ତି | ପ୍ଲାଣ୍ଟସାଇଟ ଥାନାରେ କେସ ନମ୍ବର ୧୬୭/୨୦୨୦, ୨୬୯/୩୪ ଓ ଆଇପିସି-୩ ବିପର୍ଯ୍ୟୟ ଆଇନ ଅଧୀନରେ ମାମଲା ରୁଜୁ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
Violating norms of Covid-19 more than 500 people joined the procession of the deceased to crematorium in Rourkela on 08.06.2020. In this connection a case has been registered vide Plantsite PS case no. 167/2020 U/s U/s 269/34 IPC/3 Epidemic Act against the violators @DGPOdisha
— SP Rourkela (@sprourkela) June 11, 2020
ସୂଚନା ଥାଉ କି ଗତ ୮ ତାରିଖରେ କରୋନା ମୁକାବିଲା ସମୟରେ ରାଉରକେଲାରେ ସାମାଜିକ ଦୂରତା ଉଲ୍ଲଂଘନର ଦୃଶ୍ୟ ସାମ୍ନାକୁ ଆସିଥିଲା । ଶବ ଶୋଭାଯାତ୍ରା ସମୟରେ ଦେଖିବାକୁ ମିଳିଥିଲା ଜନସମୁଦ୍ର । ପୁଲିସ ଉପସ୍ଥିତିରେ ନିୟମର ଖୋଲାଖୋଲି ଉଲ୍ଲଙ୍ଘନ ହୋଇଛି ବୋଲି ଅଭିଯୋଗ ଆସିଥିଲା । ରାଉରକେଲାର ପ୍ଲାଣ୍ଟ୍ ସାଇଟ୍ ଥାନା ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା । ଜଣେ ଯୁବକର ଅନ୍ତିମ ସଂସ୍କାର ସମୟରେ ବହୁ ସଂଖ୍ୟାରେ ଲୋକେ ଏକାଠି ହୋଇଥିଲେ । କରୋନା ମହାମାରୀ ସମୟରେ ଅନେକ ସ୍ଥାନରେ ସାମାଜିକ ଦୂରତା ଉଲ୍ଲଙ୍ଘନ ହେଉଥିବାର ଦେଖିବାକୁ ମିଳେ । କିନ୍ତୁ ଏଭଳି ଉଲ୍ଲଙ୍ଘନ କେବେ ଦେଖିବାକୁ ମିଳି ନ ଥିଲା । ଏହି ଘଟଣାକୁ ନେଇ ଜାତୀୟ ଗଣମାଧ୍ୟମରେ ମଧ୍ୟ ଚର୍ଚ୍ଚା ହୋଇଥିଲା। ଫଳରେ ଘଟଣାର ଦୁଇ ଦିନ ପରେ ପୁଲିସ ପକ୍ଷରୁ ଆଇନ ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ଏହାପୂର୍ବରୁ କଣ୍ଟେନମେଣ୍ଟ ଜୋନ ଘୋଷଣାକୁ ବିରୋଧ କରି ରାଉରକେଲାରେ କିିଛି ଲୋକ ପୁଲିସ ଉପରକୁ ପଥରମାଡ ମଧ୍ୟ କରିଥିଲେ । ଫଳରେ ସେଠାରେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା । ପରେ ୩୦ରୁ ଅଧିକ ଜଣଙ୍କୁ ଗିରଫ କରାଯାଇଥିଲା ଓ ସେମାନଙ୍କ ମଧ୍ୟରୁ ୬ ଜଣ ପଜିଟିଭ ଚିହ୍ନଟ ହୋଇଥିଲେ । ତେବେ ଜୁନ ୮ ତାରିଖ ସଂଧ୍ୟାରେ ପୁଣି ଏଭଳି ଏକ ଜନସମୁଦ୍ର ସଂକ୍ରମଣର ଆଶଙ୍କାକୁ ଆହୁରି ବଢାଇଦେଇଛି ।