ରାଇରଙ୍ଗପୁର ସମ୍ବାଦ ସାହିତ୍ୟଘରର ମାସିକ ଆସର ’ଫୁଲ ସବାରିରେ ଆସିଛି ଫଗୁଣ’ Latestଜିଲ୍ଲାମୟୂରଭଞ୍ଜ By Sambad Digital Last updated Mar 27, 2024 ସେୟାର ରାଇରଙ୍ଗପୁର: ମୟୂରଭଂଜ ଜିଲ୍ଲା ରାଇରଙ୍ଗପୁର ସମ୍ବାଦ ସହିତ୍ୟଘରର ସଭାପତି ତିମିର ରଞ୍ଜନ ପଣ୍ଡାଙ୍କ ସଭାପତିତ୍ଵରେ ଦଳ ପୂର୍ଣ୍ଣିମା ଅବସରରେ ଅନୁଷ୍ଠିତ ମାସିକ ଆଲୋଚନାଚକ୍ର ଓ କବିତା ଆସରରେ ମୁଖ୍ୟଅତିଥି ଭାବେ ବାଦାମପାହାଡ ଲୁହାଖଣି ପ୍ରବନ୍ଧକ, ସାରସ୍ଵତ ସାଧକ ତଥା ଗୀତିକବି ହରେନ୍ଦ୍ର ନାରାୟଣ ଦାସ, ସମ୍ମାନୀତ ଅତିଥି ଭାବେ ଗୋରୁମହିଷାଣୀ ଲୁହା ଖଣି ପ୍ରବନ୍ଧକ ବିକାଶ ରଞ୍ଜନ ନାୟକ, ରାଇରଙ୍ଗପୁର ସମ୍ବାଦ ସାହିତ୍ୟଘରର ସଂଯୋଜକ ତଥା ରାଇରଙ୍ଗପୁର ସମ୍ବାଦ ଜିଲ୍ଲା ପ୍ରତିନିଧି ତୁଷାର କାନ୍ତ ମହାନ୍ତ ପ୍ରମୁଖ ଯୋଗଦେଇ ସାହିତ୍ୟର ବିଭିନ୍ନ ଦିଗ ଓ ଦିଗନ୍ତ ବିଷୟରେ ଆଲୋଚନା କରି କବି ଓ କବୟତ୍ରୀମାନଙ୍କ ସୃଜନଶୀଳତାକୁ ଭୂୟସୀ ପ୍ରଶଂସା କରିଥିଲେ ଓ ସମ୍ବାଦ ସାହିତ୍ୟଘର ଓଡ଼ିଆ ଭାଷା ଓ ସଂସ୍କୃତିର ସେତୁ ବୋଲି ଅଭିହିତ କରିଥିଲେ। Sambad is now on WhatsApp Join and get latest news updates delivered to you via WhatsApp Join Now ସଭା ପ୍ରାରମ୍ଭରେ ସମ୍ପାଦକ ଡ଼ ଦିଗମ୍ବର ଗିରି ସମ୍ବାଦ ସାହିତ୍ୟଘରର ଆଭିମୁଖ୍ୟ ସଂପର୍କରେ ଆଲୋଚନା ରଖିବା ସହ ବିବରଣୀ ପଠନ କରିଥିଲେ। ଏହାପରେ ପରିବେଶବିତ ତଥା ଔପନ୍ୟାସିକ ପ୍ରଦୀପ୍ତ କିଶୋର କବି ଓଡ଼ିଆ ଭାଷା କିପରି ଗ୍ରାମ୍ୟ ଜୀବନ ସହ ଯୋଡ଼ି ହୋଇ କିପରି ସମ୍ପର୍କର ସେତୁ ପାଲଟିବ ତା ଉପରେ ନିଜର ମତାମତ ରଖିଥିଲେ। ଡ଼ ଦିଗମ୍ବର ଗିରି ଓ ତିମିର ରଞ୍ଜନ ପଣ୍ଡାଙ୍କ ମନ ଛୁଆଁ ସଂଯୋଜନାରେ “ଫୁଲ ସବାରିରେ ଆସିଛି ଫଗୁଣ” ଶୀର୍ଷକ ଉପରେ ସାରସ୍ୱତ ସାଧକ ସୁବାଷ ଚନ୍ଦ୍ର ମହାନ୍ତ ଙ୍କ ଉପସ୍ଥିତିରେ କବୟତ୍ରୀ ପୁଷ୍ପଲତା ମହାନ୍ତି,ପ୍ରମିଳା ସ୍ବାଇଁ, ଖୁସବୁ ପାଲ, ଦୀପ୍ତି ରେଖା ମହାନ୍ତି, ହର୍ଷିତା ପାଲ ଓ କବି ଜଗନ୍ନାଥ ବଳ, ଯୋଗେନ୍ଦ୍ର ନାଥ ନନ୍ଦୀ, ଅଧ୍ୟାପକ ମାନସ ରଞ୍ଜନ ବେହେରା, ଗୋପାଳ କୃଷ୍ଣ ମହାନ୍ତି, ଡ଼ ମୃତ୍ୟୁଞ୍ଜୟ ଆଚାର୍ଯ୍ୟ, ହରେନ୍ଦ୍ର ନାରାୟଣ ଦାସ, ବିକାଶ ରଞ୍ଜନ ନାୟକ, ଇଂ ସାର୍ଥକ ପଣ୍ଡା, କାଶ୍ୟପ କୌଶିକ ମହାନ୍ତି, ଡ଼ ଦିଗମ୍ବର ଗିରି, ତୁଷାର କାନ୍ତ ମହାନ୍ତ, ଉପସଭାପତି ଅଧ୍ୟାପକ ବିଜୟ ରାମ୍ ତଥା ତିମିର ରଞ୍ଜନ ପଣ୍ଡାଙ୍କ ଦ୍ଵାରାସ୍ଥ ରଚିତ କବିତା ପାଠ କରାଯାଇଥିଲା। ସଭା ଶେଷରେ ଉପସଭାପତି ରଞ୍ଜନ କୁମାର ନନ୍ଦ ଧନ୍ୟବାଦ୍ ଅର୍ପଣ କରିଥିଲେ। ଉକ୍ତ ଆସରକୁ ସଫଳ କରିବା ପାଇଁ ଲିଟିଲ୍ ଫ୍ଲାୱାର୍ ସ୍କୁଲର ମେନେଜିଂ ଡାଇରେକ୍ଟର ତଥା ପୁସ୍ତକ ପ୍ରକାଶକ କାଳୀ ପ୍ରସନ୍ନ ମହାନ୍ତିଙ୍କ ସମେତ ଅନ୍ୟ ମାନେ ପରିଚାଳନାରେ ସହଯୋଗ କରିଥିଲେ।