ଛେନାଝିଲ୍ଲୀକୁ ଜିଆଇ ଟ୍ୟାଗ୍ ପାଇଁ ନିମାପଡ଼ାରୁ ସର୍ଭେ ଆରମ୍ଭ
ଭୁବନେଶ୍ବର: ନିମପଡ଼ାର ପ୍ରସିଦ୍ଧ ଛେନା ଝିଲ୍ଲୀକୁ ବିଶ୍ୱ ଦରବାରରେ ପହଂଚାଇବା ନିମନ୍ତେ ଜିଆଇ ଟ୍ୟାଗ୍ ପାଇଁ ରାଜ୍ୟ ସରକାରଙ୍କ ଏମ୍ ଏସ୍ଏମ୍ଇ ବିଭାଗ ପକ୍ଷରୁ ସର୍ଭେ କାର୍ଯ୍ୟ ନିମାପଡ଼ାରୁ ଆରମ୍ଭ ହୋଇଛି । ସ୍ୱାଦିଷ୍ଟ ଛେନାଝିଲ୍ଲୀ ପାଇଁ ନିମାପଡ଼ା ପ୍ରସିଦ୍ଧ ହୋଇଥିବା ବେଳେ ଗବେଷକ ଅସିତ ମହାନ୍ତିଙ୍କ ନେତୃତ୍ୱରେ ଏକ ଦଳ ମଙ୍ଗଳବାର ନିମାପଡ଼ାରେ ପହଂଚିଥିଲେ । ଛେନା ଛିଲ୍ଲୀର ଉତ୍ପତ୍ତି, ଏହା କିଭଳି ପ୍ରସ୍ତୁତ କରାଯାଉଛି ଓ ଏହାର ସ୍ରଷ୍ଟାଙ୍କ ବିଷୟରେ ଜାଣିବା ପାଇଁ ଆଜି ଡ଼ ମହାନ୍ତି, ବିଜ୍ଞାନ ଓ କାରିଗର ବିଭାଗର ସୁଶାନ୍ତ ରାଉତ ଏବଂ ଉତ୍କଳ ମିଷ୍ଟାନ୍ନ ବ୍ୟବସାୟୀ ସଂଘର ରାଜ୍ୟ ସଭାପତି ବିମ୍ବାଧର ବେହେରା, ନିମାପଡ଼ା ବଜାରରେ ଛେନାଝିଲ୍ଲୀ ପ୍ରସ୍ତୁତ କରୁଥିବା ଦୋକାନୀମାନଙ୍କ ସହ ଏହାର ଐତିହ୍ୟ,ଇତିହାସ ଓ ପ୍ରଣାଳୀ ସଂପର୍କରେ ଆଲୋଚନା କରିଥିଲେ । ଛେନା ଝିଲ୍ଲୀକୁ ଜିଆଇ ଟ୍ୟାଗ ମିଳିଲେ ବିଶ୍ୱ ଦରବାରରେ ସ୍ୱତନ୍ତ୍ର ପରିଚୟ ପାଇପାରିବ ।
Sambad is now on WhatsApp
Join and get latest news updates delivered to you via WhatsApp
ଏହି ତିନି ଜଣିଆ କମିଟି ସରକାରଙ୍କୁ ପ୍ରାଥମିକ ରିପୋର୍ଟ ଦେବା ପରେ ନିମପଡ଼ା ଛେନା ଝିଲ୍ଲୀକୁ ଜିଆଇ ମାନ୍ୟତା ଦେବା ପାଇଁ ଆବଶ୍ୟକୀୟ ପଦକ୍ଷେପ ନିଆଯିବ । ରସଗୋଲାକୁ ଜିଆଇ ମାନ୍ୟତା ମିଳିବା ପରେ ନିମପଡ଼ା ଛେନା ଝିଲ୍ଲି ସମେତ ଅନ୍ୟାନ୍ୟ ସାମଗ୍ରୀକୁ ଜିଆଇ ମାନ୍ୟତା ଦେବା ପାଇଁ ରାଜ୍ୟ ସରକାର ପଦକ୍ଷେପ ନେବାକୁ ବିଧାୟକ ଦେବୀ ପ୍ରସାଦ ମିଶ୍ର ଗତ ବିଧାନସଭା ଅଧିବେଶନରେ ପ୍ରସ୍ତାବ ଦେଇଥିଲେ ।