ରିଲିଜ୍ ହେଲା ଦେଶାତ୍ମବୋଧ ଗୀତ ‘ଆମେ ସବୁ ଭାଇ-ଭାଇ’
ଜୟପୁର : ସାଧାରଣତନ୍ତ୍ର ଦିବସ ଉପଲକ୍ଷେ ଆନ୍ତର୍ଜାତିକ ସ୍ତରରେ ବିଶ୍ୱ ଭାତୃଭାବ ଓ ସଂହତିର ସୁପ୍ରତିଷ୍ଠା ନିମନ୍ତେ, ଟ୍ରଷ୍ଟ, ସମବେଦନା, ମୁଡ୍ ସ୍ୱିଙ୍ଗ ଓଡ଼ିଶା ଓ ଇଫୁନା ସଂସ୍ଥାର ମିଳିତ ସହଯୋଗରେ ଦେଶାତ୍ମବୋଧ ଗୀତ ‘ଆମେ ସବୁ ଭାଇ-ଭାଇ’ ରିଲିଜ୍ ହୋଇଛି। ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ପୃଷ୍ଠପୋଷକତାରେ ତଥା ଭିଡିଓ ବାର୍ତ୍ତା ସହିତ ମୁଡ୍ ସ୍ୱିଙ୍ଗ ଓଡ଼ିଶା-ୟୁଟ୍ୟୁବ୍ ଚ୍ୟାନେଲରେ ଏହା ମୁକ୍ତିଲାଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଗୀତଟିକୁ ରଚନା କରିଛନ୍ତି ଓଡ଼ିଶାର ପ୍ରଖ୍ୟାତ ଗୀତିକାର ଲଳିତ ନାରାୟଣ ରଥ। ସଂଗୀତ ନିର୍ଦେଶନା ଦେଇଛନ୍ତି ଜୟପୁରର ଯୁବ ସଙ୍ଗୀତ ନିର୍ଦେଶକ ନିହାର ଆଚାର୍ଯ୍ୟ। ଆଉ ଏଥିରେ କଣ୍ଠଦାନ କରିଛନ୍ତି କଣ୍ଠଶିଳ୍ପୀ ଅନୁରାଧା ପାଣିଗ୍ରାହୀ ଓ ନିହାର ଆଚାର୍ଯ୍ୟ। ବାଦ୍ୟଯନ୍ତ୍ରରେ ସହାୟତା କରିଛନ୍ତି ଚନ୍ଦ୍ରଶେଖର। କଟକର ପ୍ରତିଭା ଷ୍ଟୁଡିଓଠାରେ ଗୀତକୁ ରେକର୍ଡିଂ କରାଯାଇଥିଲା। ଏହି ଗୀତ ଆଶାତୀତ ସଫଳତା ପାଇବା ସହ ରେକର୍ଡ ସୃଷ୍ଟି କରିବ ବୋଲି କହିଛନ୍ତି ସଂଗୀତକାର ଧିରେନ୍ ମୋହନ ପଟ୍ଟନାୟକ।