ଭୁବନେଶ୍ବରରୁ କ୍ରିଷ୍ଣାରାଜପୁରମ୍ ଓ ମୁମ୍ବାଇ ଏଲଟିଟିକୁ ଟ୍ରେନ୍
ଭୁବନେଶ୍ବର : ଯାତ୍ରୀଙ୍କୁ ସୁବିଧା ଯୋଗାଇବା ଏବଂ ବେଙ୍ଗାଲୁରୁ ଓ ମୁମ୍ବାଇକୁ ଯାତ୍ରା କରୁଥିବା ଅନ୍ୟ ଟ୍ରେନଗୁଡ଼ିକରେ ଲାଗି ରହିଥିବା ଭିଡ଼ ଏଡ଼ାଇବା ଲାଗି ଭୁବନେଶ୍ବରରୁ କୃଷ୍ଣରାଜପୁରମ୍(ବେଙ୍ଗାଲୁରୁ) ଓ ମୁମ୍ବାଇ ଏଲଟିଟିକୁ ବିଶେଷ ଟ୍ରେନ୍ ଚଳାଇବାକୁ ନିଷ୍ପତ୍ତି ହୋଇଛି। ଭୁବନେଶ୍ବର-କୃଷ୍ଣରାଜପୁରମ୍-ଭୁବନେଶ୍ବର ସ୍ପେସାଲ୍(୦୮୪୧୫/୦୮୪୧୬) ଜୁନ୍ ୩୦(ବୁଧବାର) ଭୁବନେଶ୍ବରରୁ ଅପରାହ୍ଣ ୧୨ଟା ୧୦ରେ ଛାଡ଼ି ଜୁଲାଇ ୧(ଗୁରୁବାର) କୃଷ୍ଣରାଜପୁରମ୍ରେ ପହଞ୍ଚିବ। ଫେରିବା ବେଳେ ଏହି ଟ୍ରେନ୍ ଜୁଲାଇ ପହିଲା(ଗୁରୁବାର)ରୁ କୃଷ୍ଣରାଜପୁରମ୍ରୁ ଅପରାହ୍ଣ ୪ଟା ୫୫ରେ ଛାଡ଼ି ଜୁଲାଇ ୨(ଶୁକ୍ରବାର) ଭୁବନେଶ୍ବରରେ ପହଞ୍ଚିବ।
Sambad is now on WhatsApp
Join and get latest news updates delivered to you via WhatsApp
ସେହିପରି ଭୁବନେଶ୍ବର-ମୁମ୍ବାଇ ଏଲଟିଟି- ଭୁବନେଶ୍ବର ସ୍ପେସାଲ୍(୦୮୫୭୫/-୮୫୭୬) ଜୁନ୍ ୩୦(ବୁଧବାର) ଭୁବନେଶ୍ବରରୁ ଅପରାହ୍ଣ ୪ଟାରେ ଛାଡ଼ି ଜୁଲାଇ ୨(ଶୁକ୍ରବାର) ଏଲଟିଟିରେ ପହଞ୍ଚିବ। ଫେରିବା ବେଳେ ଏହି ଟ୍ରେନ୍ ଏଲଟିଟିରୁ ଜୁଲାଇ ୨(ଶୁକ୍ରବାର) ଭୋର୍ ୬ଟା ୫୫ରେ ଛାଡ଼ି ଜୁଲାଇ ୩(ଶନିବାର) ଭୁବନେଶ୍ବରରେ ପହଞ୍ଚିବ।