ଆଜି ୯୬୫ ଅଧିବେଶନରେ ଟିକାକରଣ
ଭୁବନେଶ୍ବର : ଆଜି ରାଜ୍ୟରେ ୯୬୫ ଅଧିବେଶନରେ ଟିକାକରଣ କରାଯିବ। ସ୍ବାସ୍ଥ୍ୟ ବିଭାଗ ପକ୍ଷରୁ ଏ ସଂପର୍କରେ ସୂଚନା ଦିଆଯାଇଛି। ଏହାସହ ରାଜ୍ୟରେ ସମୁଦାୟ ଟିକାକରଣ ୯୩ଲକ୍ଷ ୭୩ହଜାର ୬୯୯କୁ ବୃଦ୍ଧି ପାଇଛି।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ସମୁଦାୟ ୧୦୭୧ ଟିକାକରଣ ଅଧିବେଶନ ଆୟୋଜିତ ହୋଇଥିଲା ଓ ଏଥିରେ ୧ଲକ୍ଷ ୪୭ହଜାର ୨୩ଜଣ କରୋନା ଟିକା ନେଇଛନ୍ତି। ଏଥିରେ ୧୮-୪୪ବର୍ଗର ୭୧,୩୩୧ଜଣ ପ୍ରଥମ ଓ ୪୮୬୫ଜଣ ଦ୍ବିତୀୟ ଡୋଜ୍ ନେଇଛନ୍ତି। ସେହିପରି ୪୫ ବର୍ଷରୁ ଅଧିକ ୪୪,୧୯୨ଜଣ ପ୍ରଥମ ଓ ୨୪,୫୫୯ଜଣ ଦ୍ବିତୀୟ ଡୋଜ୍ ଟିକା ନେଇଥିଲେ। ଏହାକୁ ମିଶାଇ ୧୮-୪୪ବର୍ଗରେ ଏ ପର୍ଯ୍ୟନ୍ତ ୧୨ଲକ୍ଷ ୨୮ହଜାର ୮୭୨ଜଣ ପ୍ରଥମ ଓ ୯୯,୨୮୧ଜଣ ଦ୍ବିତୀୟ ଡୋଜ୍ ନେଇ ସାରିଲେଣି। ୪୫ ବର୍ଷରୁ ଅଧିକ ପ୍ରଥମ ଡୋଜ୍ ୫୭ଲକ୍ଷ ୯ହଜାର ୫୭୫ଜଣ ନେଇଥିବା ବେଳେ ୧୨ଲକ୍ଷ ୩୯ହଜାର ୨୫ଜଣ ଦ୍ବିତୀୟ ଡୋଜ୍ ନେଇ ସାରିଲେଣି।