କୋରାପୁଟ: ରାଜ୍ୟ ସରକାରଙ୍କ ବିକାଶମୂଳକ କାମରେ ପ୍ରଭାବିତ ହୋଇ ମହିଳା ମାଓବାଦୀ ତୁଳସୀ ଉଲାକା ଓରଫ ସଂଗୀତା ଆଜି କୋରାପୁଟ ଏସ୍ପିଙ୍କ ନିକଟରେ ଆତ୍ମସମର୍ପଣ କରିଛନ୍ତି । ତାଙ୍କ ନାଁରେ ୪ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରାଯାଇଥିଲା । ରିପୋର୍ଟ ଅନୁସାରେ ଉଲାକା ଆନ୍ଧ୍ର-ଓଡ଼ିଶା ସୀମା ସ୍ପେଶାଲ ଜୋନାଲ କମିଟିର ସଦସ୍ୟ ଥିଲେ । ସେ ଅତୀତରେ ନାରାୟଣପାଟଣାରେ ଘଟିଥିବା ମାଓହିଂସାରେ ସକ୍ରିୟ ଅଂଶଗ୍ରହଣ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ମହିଳା ମାଓବାଦୀ ତୁଳସୀ ଉଲାକା ଆଜି ହିଂସାତ୍ମକ କାମ ଛାଡି କୋରାପୁଟ ଏସ୍ପି ମୁକେଶ କୁମାର ଭାମୁଙ୍କ ନିକଟରେ ଆତ୍ମସମର୍ପଣ କରିଛନ୍ତି । ରାଜ୍ୟ ସରକାରଙ୍କ ମାଓବାଦୀ ଥଇଥାନ ଯୋଜନାରେ ତାଙ୍କୁ ଆବଶ୍ୟକ ସୁବିଧା ଯୋଗାଇ ଦିଆଯିବ ବୋଲି ଏସ୍ପି ଶ୍ରୀ ଭାମୁ ଗଣମାଧ୍ୟମକୁ ସୂଚନା ଦେଇଛନ୍ତି ।
ଏହି ଅବସରରେ ତୁଳସୀ ଉଲାକା କହିଛନ୍ତି, ସେ ରାଜ୍ୟ ସରକାରଙ୍କ ବିକାଶମୂଳକ ଯୋଜନାରେ ଆକର୍ଷିତ ହୋଇ ମାଓବାସୀ ସଂଗଠନ ଛାଡ଼ିଛନ୍ତି । ସେ କହିଛନ୍ତି, ମାଓବାଦୀମାନେ ତାଙ୍କୁ ଶାରୀରିକ ଓ ମାନସିକ ଭାବେ ନିର୍ଯାତନ ଦେଉଥିଲେ । ବରିଷ୍ଠ ସଦସ୍ୟଙ୍କୁ କିଛି କହିବାର ଅଧିକାର ନଥିଲା । ସେ ମାଓନେତାଙ୍କ ଦ୍ୱାରା ଅବହେଳାର ଶିକାର ହେଉଥିଲେ ବୋଲି କହିଛନ୍ତି ।