ନିଜକୁ ମୋଦୀଙ୍କ ସ୍ପେଶାଲ ସିକ୍ୟୁରିଟି ଅଫିସର ବୋଲି କହି ମେରଠ ରାଲିରେ ସାମିଲ ହୋଇଥିଲେ ମହିଳା, ଗିରଫ ହେବା ପରେ ସୁରକ୍ଷାକୁ ନେଇ ଉଠିଛି ପ୍ରଶ୍ନ
ନୋଏଡା : ନିଜକୁ ଆଇଏଫ୍ଏସ୍ ଅଫିସର ବୋଲି କହି ଗିରଫ ହୋଇଛନ୍ତି ମହିଳା । ନୋଏଡାରେ ରହୁଥିବା ମହିଳାଙ୍କୁ ପୁଲିସ ତାଙ୍କ ସ୍ୱାମୀଙ୍କ ସମେତ ଗିରଫ କରିଥିବା ଜଣାପଡ଼ିଛି । ମହିଳାଜଣଙ୍କ ମୋଦୀଙ୍କ ସ୍ପେଶାଲ ସିକ୍ୟୁରିଟି ଅଫିସର ବୋଲି ପରିଚୟ ଦେଇ ଲୋକମାନଙ୍କୁ ଠକି ଆସୁଥିଲେ । ଏହା ସହ ମୋଦୀଙ୍କ ମେରଠ ରାଲିରେ ସେ ଅନ୍ୟ ସୁରକ୍ଷାକର୍ମୀଙ୍କ ସହ ସାମିଲ ମଧ୍ୟ ହୋଇଥିଲେ । ଏତେ ସହଜରେ ସେ ମୋଦୀଙ୍କ ନିକଟତର ହୋଇ ଯାଇଥିବାରୁ ପ୍ରଧାନମନ୍ତ୍ରୀଙ୍କୁ ଦିଆଯାଉଥିବା ସୁରକ୍ଷାକୁ ନେଇ ଏବେ ପ୍ରଶ୍ନ ଉଠିବା ଆରମ୍ଭ ହୋଇଛି । ଏବେ ଅଭିଯୁକ୍ତ ମହିଳା ଏବଂ ତାଙ୍କ ସ୍ୱାମୀଙ୍କୁ ପୁଲିସ ଗିରଫ କରି ନେଇଥିବା ବେଳେ ମହିଳା ଆଫ୍ଗାନିସ୍ତାନ ସହ ସଂପର୍କରେ ଥିଲେ ବୋଲି ପୁଲିସ ଜଣାଇଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଅଭିଯୁକ୍ତ ମହିଳା ୩ବର୍ଷ ହେଲାଣି ନିଜକୁ ଆଇଏଫ୍ଏସ୍ ଅଫିସର ବୋଲି କହି ମେରଠ, ନୋଏଡା,ଗାଜିଆବାଦ୍ ଏବଂ ମୁରାଦାବାଦ୍ ସମେତ ଅନେକ ଜିଲ୍ଲାର ପୁଲିସ ଅଧିକାରୀଙ୍କୁ ଠକି ଭିଆଇପି ସୁବିଧା ନେଉଥିଲେ । ଗିରଫ ହୋଇଥିବା ମହିଳାଙ୍କ ନାଁ ଜୋୟା ଖାନ୍ ବୋଲି ଜଣା ପଡ଼ିଥିବା ବେଳେ ସେ ମେରଠରେ ଡ଼ାକ୍ତର ଥିବା ଅୟୁବ୍ ଖାନ୍ଙ୍କ ଝିଅ ବୋଲି ଜଣାପଡ଼ିଛି । ୭ବର୍ଷ ପୂର୍ବେ ସେ ବାରଣାସୀରେ ରହୁଥିବା ଜଏଣ୍ଟ କମିସନରଙ୍କ ପୁଅ ନିଶାନ୍ତଙ୍କୁ ବିବାହ କରିଥିଲେ । ଭିଆଇପି ସୁବିଧା ନ ମିଳିବାରୁ ଜୋୟା ନୋଏଡାର ଏସ୍ଏସ୍ପିଙ୍କୁ ଧମକାଇବା ପରେ ଏସ୍ଏସ୍ପିଙ୍କ ସନ୍ଦେହ ହୋଇଥିଲା । ଏହା ପରେ ଜୋୟାଙ୍କ ଘରକୁ ଯାଇ ତଦନ୍ତ କରିବା ପରେ ସତ ସାମ୍ନାକୁ ଆସିଥିଲା ବୋଲି ପୁଲିସ କହିଛି ।