ନବଜୋତ୍ ସିଂହ ସିଦ୍ଧୁଙ୍କୁ ସମର୍ଥନ ଜଣାଇ ଅଡ଼ୁଆରେ କପିଲ ଶର୍ମା, ଆରମ୍ଭ ହେଲା #ବଏକଟ୍କପିଲଶର୍ମା ଅଭିଯାନ
ମୁମ୍ବାଇ: ଗତ ଫେବୃଆରୀ ୧୪ରେ ପୁଲଓ୍ଵାମାରେ ଘଟିଥିବା ଘଟଣା ପାଇଁ ଦେଶରେ ବିଭିନ୍ନ ପ୍ରକାରର ବିବାଦ ଦେଖା ଯାଇଛି । ଆତଙ୍କବାଦୀଙ୍କୁ କଡ଼ା ଜବାବ ଦେବା ପାଇଁ ଲୋକମାନେ ଦାବି କରୁଥିବା ବେଳେ କିଛି କଳାକାର ଏ ନେଇ ନିଜର ମତ ରଖି ବିବାଦରେ ଫସିଛନ୍ତି । ସେ ମଧ୍ୟରେ ଅଛନ୍ତି କ୍ରିକେଟର ନବଜୋତ ସିଂହ ସିଦ୍ଧୁ । ପୁଲଓ୍ଵାମାରେ ଘଟିଥିବା ଘଟଣା ପରେ, କିଛି ଲୋକଙ୍କ କାମ ପାଇଁ ସାରା ଦେଶ ଉପରେ ଅଭିଯୋଗ ଲଗାଇବା ଏବଂ ପ୍ରତିଶୋଧ ନେବା ଠିକ୍ ନୁହେଁ । ଆତଙ୍କବାଦୀମାନଙ୍କର କୌଣସି ଧର୍ମ, ଦେଶ ବା ଜାତି ନାହିଁ । ସେମାନେ କେବଳ ହତ୍ୟା କରି ଜାଣିଛନ୍ତି । ସେମାନେ କରିଥିବା ଭୁଲର ଦଣ୍ଡ ସାରା ଦେଶକୁ ଦିଆଯିବା ଠିକ୍ ନୁହେଁ ବୋଲି ସିଦ୍ଧୁ କହିଥିଲେ । ଯାହା ପରେ ତାଙ୍କୁ ‘ଦ କପିଲ ଶର୍ମା’ ସୋ’ରୁ ହଟାଇ ଦିଆ ଯାଇଥିଲା । ଏବେ ସିଦ୍ଧୁଙ୍କୁ ସମର୍ଥନ ଜଣାଇ ହାସ୍ୟ ଅଭିନେତା କପିଲ ଶର୍ମା ନିଜର ମତ ରଖିଥିବାରୁ ତାଙ୍କ ସୋ’କୁ ବନ୍ଦ କରିବା ସହ କପିଲଙ୍କୁ ବଏକଟ୍ କରିବା ପାଇଁ ଲୋକେ ଦାବି କରିବା ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସିଦ୍ଧୁଙ୍କ ସୋ’ ଛାଡ଼ିବାକୁ ନେଇ କପିଲଙ୍କୁ ପଚରାଯିବା ପରେ, ସେ ନିଜର ବ୍ୟକ୍ତିଗତ କାମ ପାଇଁ ସୋ’ ଛାଡ଼ିଥିବା କହିଥିଲେ କପିଲ । ସିଦ୍ଧୁଙ୍କୁ ନେଇ ହେଉଥିବା ବିବାଦ ଉପରେ ପଚରାଯିବା ପରେ, ଏହା ବହୁତ ଛୋଟେ କଥା । କାହାକୁ ସୋ’ରୁ ବାହାର କରିବା ବା ସୋ’ ବନ୍ଦ କରିଦେବା ଏହି ସମସ୍ୟାର ସମାଧାନ ନୁହେଁ । ଏ ନେଇ ଦୁଇ ଦେଶକୁ ସ୍ଥାୟୀ ସମାଧାନ କରିବାକୁ ପଡ଼ିବ ବୋଲି କପିଲ କହିଥିଲେ । ଯାହା ପରେ ସୋନି ଟିଭି ଏବଂ କପିଲଙ୍କ ସୋ’କୁ ବନ୍ଦ କରିବାକୁ ଲୋକେ ସୋସିଆଲ ମିଡିଆରେ ଅଭିଯାନ ଆରମ୍ଭ କରିଛନ୍ତି ।