ଦୁଷ୍କର୍ମ ଅଭିଯୋଗରେ ଜେଲ ଯାଇ ଆସିବା ପରେ ଏବେ ପ୍ରେମ ଜୀବନକୁ ନେଇ ଚର୍ଚ୍ଚାରେ କରଣ, ମୋନା ସିଂହଙ୍କୁ ନେଇ କହିଲେ; ମୁଁ ତାଙ୍କ ସହ ରହିବାକୁ ଚାହୁଁଥିଲି, କିନ୍ତୁ…….
ମୁମ୍ବାଇ : କିଛି ମାସ ତଳେ ଜଣେ ମହିଳା ଜ୍ୟୋତିଷ ଧାରାବାହିକ ଅଭିନେତା କରଣ ଓବରଏଙ୍କ ଉପରେ ଦୁଷ୍କର୍ମର ଆରୋପ ଲଗାଇଥିଲେ । ଯାହା ପରେ କରଣଙ୍କୁ ଗିରଫ କରିଥିଲା ପୁଲିସ । ମାସେ ଜେଲରେ ରହିବା ପରେ ଜାମିନରେ ବାହାରକୁ ଆସିଛନ୍ତି କରଣ । ଅଭିଯୋଗ ଆଣିଥିବା ମହିଳା ମିଛ କହି କରଣଙ୍କୁ ଫସାଇଥିବାରୁ ପୁଲିସ ଅଭିଯୁକ୍ତ ମହିଳାକୁ ଏବେ ଗିରଫ କରି ନେଇଛି । ତେବେ ଦୁଷ୍କର୍ମ ଭଳି ସଙ୍ଗୀନ ଅଭିଯୋଗ ପାଇଁ ଚର୍ଚ୍ଚାରେ ରହିବା ପରେ ଏବେ ପ୍ରେମ ଜୀବନକୁ ନେଇ ଚର୍ଚ୍ଚାରେ କରଣ ।
Sambad is now on WhatsApp
Join and get latest news updates delivered to you via WhatsApp
ନିଜ ସହ କଳାକାର ମୋନା ସିଂହଙ୍କ ସହ ସେ ପ୍ରେମ ସଂପର୍କରେ ଥିବା ବେଳେ ଏବେ ଦୁହେଁ ଅଲଗା ହୋଇ ଯାଇଛନ୍ତି । ନିଜ ଭଙ୍ଗା ସଂପର୍କକୁ ନେଇ କରଣ କହିଛନ୍ତି, ମୁଁ ମୋନା ସିଂହଙ୍କ ସହ ରହିବାକୁ ଚାହୁଁଥିଲି । ସେ ଜଣେ ଭଲ ମଣିଷ ଏବଂ କଳାକାର ମଧ୍ୟ । କିନ୍ତୁ ଆମେ ଦୁହେଁ ପରସ୍ପରଠାରୁ ସଂପୂର୍ଣ୍ଣ ଭିନ୍ନ ଥିଲୁ । ଏବେ ସେ ନିଜର କ୍ୟାରିୟରରେ ବହୁତ ଆଗକୁ ବଢ଼ୁଛନ୍ତି, ତେଣୁ ବିବାହ କଥା ଚିନ୍ତା ମଧ୍ୟ କରୁ ନାହାନ୍ତି । କେବଳ ନିଜ କ୍ୟାରିୟର ଉପରେ ଧ୍ୟାନ ଦେଉଛନ୍ତି । ଏହି ପାଇଁ ଆମେ ଅଲଗା ହେବାକୁ ନିଷ୍ପତ୍ତି ନେଇଥିଲୁ ।