ତିରୁବନନ୍ତପୁରମ୍: ସାବରିମାଲା ମନ୍ଦିର ଦର୍ଶନ ନିମନ୍ତେ ବାହାରି ଶୁକ୍ରବାର ପ୍ରତ୍ୟୁଷରେ କେରଳର କୋଚି ଠାରେ ପହଞ୍ଚିଥିବା ମହିଳା ଅଧିକାର ସାମାଜିକ କର୍ମୀ ତୃପ୍ତି ଦେଶାଇ ବିମାନବନ୍ଦର ଅକ୍ତିଆର କରିଥିବା ଉତ୍ତ୍ୟକ୍ତ ପ୍ରତିବାଦକାରୀଙ୍କ ଦ୍ୱାରା ଅଟକି ରହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପୁଣେରୁ ଇଣ୍ଡିଗୋ ବିମାନରେ ଆସି ସକାଳ ୫ଟାରେ ପହଞ୍ଚିଥିବା ଦେଶାଇଙ୍କୁ ବିମାନ ବନ୍ଦର ବାହାରକୁ ଛଡ଼ା ଯାଉନାହିଁ। ସମ୍ପୃକ୍ତ ଅଞ୍ଚଳରେ ଉତ୍ତେଜନା ଲାଗି ରହିଛି ଏବଂ ରାସ୍ତା ଉପରେ ବସିଥିବା ପ୍ରତିବାଦକାରୀମାନେ ପୁଲିସକୁ କହୁଛନ୍ତି କି, ସେମାନେ ତାଙ୍କର ଶବ ଉପରେ ଦେଶାଇଙ୍କୁ ଚଲାଇ ନେଇ ପାରନ୍ତି।
ପୁଲିସ ଦେଶାଇଙ୍କୁ କୌଣସି ହୋଟେଲ୍କୁ ସ୍ଥାନାନ୍ତର କରିବାକୁ ଉଦ୍ୟମ କରିଥିଲେ ସୁଦ୍ଧା ପ୍ରତିବାଦକାରୀମାନେ ତାଙ୍କୁ ବାହାରକୁ ନ ଛାଡ଼ି ଫେରି ଯିବାକୁ କହୁଛନ୍ତି। ପର୍ବତ ଶିଖର ଦେବସ୍ଥଳର ବେସ୍ କ୍ୟାମ୍ପ୍ ପମ୍ଭା ଅଭିମୁଖେ ଯିବା ପାଇଁ ଟ୍ୟାକ୍ସିଟିଏ ବ୍ୟବସ୍ଥା କରିଦେବାକୁ ସେ କୁଆଡ଼େ ପୁଲିସ କହିଥିଲେ।
ତାଙ୍କୁ ବିମାନ ବନ୍ଦର ବାହାରକୁ ନେବା ନିମନ୍ତେ ଟ୍ୟାକ୍ସି ଡ୍ରାଇଭର୍ମାନେ ବି ମନା କରି ଦେଇଛନ୍ତି। ସକାଳ ୫ଟାରୁ ସେ ବ୍ୟସ୍ତବହୁଳ ବିମାନ ବନ୍ଦରରେ ଅଟକି ରହିଛନ୍ତି।
ଦେଶାଇ କହୁଛନ୍ତି: ଯାହା ହେଉ ପଛକେ ମୁଁ ଆଗେଇ ଯିବି। ଭଗବାନ ଆୟପ୍ପାଙ୍କ ଦର୍ଶନ ବିନା ମୁଁ ଫେରି ଯିବି ନାହିଁ। ଭକ୍ତମାନେ ନୁହନ୍ତି ଦୁଷ୍ଟମାନେ ମୋର ପଥ ଅବରୋଧ କରୁଛନ୍ତି।