+୮୬ କୋଡ୍‌ ଥିବା ନମ୍ବର ପ୍ରତି ସତର୍କ ରୁହନ୍ତୁ : ଭାରତୀୟ ସେନା

ନୂଆଦିଲ୍ଲୀ: ଭାରତ ଉପରେ ଚାଇନିଜ୍‌ ସାଇବର ଆକ୍ରମଣର ଆଶଙ୍କା ବଢିଚାଲିଛି । ଚାଇନିଜ୍‌ ହ୍ୟାକରମାନେ ଭାରତୀୟ ସେନାକର୍ମଚାରୀ, ସରକାରୀ କର୍ମଚାରୀମାନଙ୍କଠାରୁ ଗୋପନ ତଥ୍ୟ ହାସଲ କରିବା ପାଇଁ ଫାଶ ବସାଇ ଜଗିରହିଛନ୍ତି । ବିଶେଷକରି ହ୍ୟାକିଂ ପାଇଁ ସେମାନେ ଲୋକପ୍ରିୟ ମେସେଜିଂ ଆପ୍‌ ହ୍ଵାଟ୍ସଆପକୁ ବ୍ୟବହାର କରୁଥିବା ନେଇ ଭାରତୀୟ ସେନା ପକ୍ଷରୁ ୟୁଜରମାନଙ୍କୁ ସତର୍କ କରିଦିଆଯାଇଛି ।
ଭାରତୀୟ ସେନା ପକ୍ଷରୁ ଏକ ସଚେତନତାମୂଳକ ଭିଡିଓ ଜାରି କରି ସତର୍କ କରିଦିଆଯାଇଛି । ଏଥିରେ କୁହାଯାଇଛି ଯେ ଚାଇନିଜ୍‌ ହ୍ୟାକରମାନେ ବିଭିନ୍ନ ଉପାୟ ଅବଲମ୍ବନ କରି ହ୍ୟାକିଂ କରୁଛନ୍ତି ।

 

सजग रहे,सतर्क रहें,सुरक्षित रहें।#भारतीयसेना सोशल मीडिया उचित एवं नियमबद्ध एकाउंट को प्रोत्साहित करता है। हैकिंग जोरो पर है, उनके लिए जो असावधान हैं। अपने सोशल मीडिया को हमेशा चेक करें। व्यक्तिगत एवं ग्रुप एकाउंट के बारे में सावधान रहें, सुरक्षित रहें। @DefenceMinIndia @PIB_India pic.twitter.com/YQbdVFsmWe

— ADG PI – INDIAN ARMY (@adgpi) March 18, 2018

ବିଶେଷକରି ହ୍ଵାଟ୍ସଆପ୍‌ ଗ୍ରୁପଗୁଡ଼ିକୁ ସେମାନେ ଟାର୍ଗେଟ କରୁଛନ୍ତି, ହ୍ଵାଟ୍ସଆପ ଗ୍ରୁପରେ ଅନ୍ତର୍ଭୁକ୍ତ ହେବାପରେ ସେମାନେ କମ୍ପ୍ୟୁଟରରୁ ଡାଟା ଚୋରାଇ ନେଉଛନ୍ତି । +୮୬ ଲେଖାହୋଇଥିବା ନମ୍ବର ଚାଇନିଜ୍‌ ନମ୍ବର ବୋଲି ଜଣାଯାଇଛି, ଏପରି ନମ୍ବର ଗୁଡିକଠାରୁ ଦୂରେଇ ରହିବାକୁ କୁହାଯାଇଛି । ନିଜର ସିଷ୍ଟମରେ ନିୟମିତଭାବେ ସ୍କାନ କରିବାକୁ ପରାମର୍ଶ ଦିଆଯାଇଛି । ଯଦି ସିମ କାର୍ଡ ବଦଳାଉଛନ୍ତି ତେବେ ପୁରୁଣା ସିମକାର୍ଡକୁ ସଂପୂର୍ଣ୍ଣ ନଷ୍ଟ କରିଦିଆଯିବା ଉଚିତ ବୋଲି ସେନା ପକ୍ଷରୁ ପରାମର୍ଶ ଦିଆଯାଇଛି । ସେନା ପକ୍ଷରୁ ଆଡିସନାଲ ଡାଇରେକ୍ଟର ଜେନେରାଲ ଅଫ ପବ୍ଲିକ ଇଣ୍ଟରଫେସ ପକ୍ଷରୁ ଏହି ଭିଡିଓ ଜାରି କରାଯାଇଛି ।