ଜଗତସିଂହପୁର/କୁଜଙ୍ଗ : ବିଶିଷ୍ଟ ଶିଳ୍ପପତି ମହିମାନନ୍ଦ ମିଶ୍ରଙ୍କୁ ପୁଣି ଜେଲ୍ ଯିିବାକୁ ପଡ଼ିଛି। ସିେଓ୍ଵଜ୍ କମ୍ପାନି ମ୍ୟାନେଜର ମହେନ୍ଦ୍ର ସ୍ୱାଇଁଙ୍କୁ ହତ୍ୟା ମାମଲାରେ ହାଇକୋର୍ଟରୁ ମହିମାଙ୍କୁ ମିଳିଥିବା ଜାମିନ ସୁପ୍ରିମକୋର୍ଟରେ ଖାରଜ ହୋଇଯିବା ପରେ ଆଜି ସେ କୁଜଙ୍ଗ ଅଦାଲତରେ ଆତ୍ମ ସମର୍ପଣ କରିଥିଲେ। ସେଠାରୁ ତାଙ୍କୁ କୁଜଙ୍ଗ ସବଜେଲ୍କୁ ପଠାଇ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ମହିମା ଆଜି ସକାଳେ କୁଜଙ୍ଗର ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ୍ଙ୍କ ଅଦାଲତରେ ଆତ୍ମ ସମର୍ପଣ କରିଥିଲେ। ପୂର୍ବାହ୍ନ ୧୦ଟା ୩୦ ସମୟରେ ମହିମା ମାଜିଷ୍ଟ୍ରେଟଙ୍କ ନିକଟରେ ଆତ୍ମ ସମର୍ପଣ କରିବା ପରେ ଅଦାଲତ ତାଙ୍କୁ ସମାଗୋଳସ୍ଥିତ କୁଜଙ୍ଗ ସବଜେଲ୍କୁ ପଠାଇ ଦେଇଥିଲେ । ନିଜ ଗାଡ଼ିରେ ଆସିଥିବା ମହିମା କୋର୍ଟରୁ ବାହାରିବା ପରେ ଚୁପ୍ଚାପ୍ ପୁଲିସ ଗାଡ଼ିରେ ବସି ଜେଲ୍କୁ ଯାଇଥିଲେ। କୋର୍ଟ ଫାଟକ ନିକଟରେ ଅପେକ୍ଷା କରିଥିବା ଗଣମାଧ୍ୟମ ପ୍ରତିନିଧିଙ୍କୁ ମଧ୍ୟ ସେ କିଛି ପ୍ରତିକ୍ରିୟା ଦେଇ ନ ଥିଲେ।