ହ୍ଵାଟ୍ସଆପ୍ ବିଷୟରେ ଏହି ୪ଟି କଥା ଯାହା ଆପଣଙ୍କୁ ଜାଣିବା ଦରକାର
ପ୍ରତି ସ୍ମାର୍ଟଫୋନ୍ରେ ଏବେ ହ୍ଵାଟ୍ସଆପ ମେସେଞ୍ଜର୍ ରହିବା ସହ ଏହାର ଲୋକପ୍ରିୟତା ଧୀରେ ଧୀରେ ବଢ଼ିବାରେ ଲାଗିଛି । ଲୋକମାନେ ଏଥିରେ ଥିବା ଫିଚର୍କୁ ଭଲ ପାଇବା ସହ କମ୍ପାନି ମଧ୍ୟ ଏହାର ଫିଚର୍କୁ କିପରି ଉନ୍ନତ ହୋଇ ପାରିବ ସେଥିପାଇଁ ଚେଷ୍ଟା କରି ଚାଲିଛି । ତେବେ ହ୍ଵାଟ୍ସଆପ ସହ ଜଡ଼ିତ ଅନେକ କଥା ଏପରି ରହିଛି ଯାହା ବୋଧହୁଏ ଆପଣମାନେ ଜାଣି ନଥିବେ । ତେବେ ଆଜି ଆମେ ଜଣାଇବୁ ହ୍ଵାଟ୍ସଆପ ସହ ଜଡ଼ିତ ୫ଟି କଥା, ଯାହା ପ୍ରତି ହ୍ଵାଟ୍ସଆପ ବ୍ୟବହାରକାରୀ ଜାଣିବା ଦରକାର ।
Sambad is now on WhatsApp
Join and get latest news updates delivered to you via WhatsApp
୧.ସାଙ୍ଗମାନଙ୍କୁ ଟଙ୍କା ପଠାଇ ପାରିବେ
ଯଦି ଆପଣ ଆପଣଙ୍କ ସାଙ୍ଗଠାରୁ ଆଣିଥିବା ଟଙ୍କା ଫେରାଇବାକୁ ଚାହୁଁଛନ୍ତି ତେବେ ଅନ୍ୟ କେଉଁ ଆପ୍ ବ୍ୟବହାର ନ କରି ହ୍ଵାଟ୍ସଆପ ମାଧ୍ୟମରେ ହିଁ ଆପଣ ତାହା କରି ପାରିବେ । କିଛି ଦିନ ପରେ ଏହି ବ୍ୟବସ୍ଥାଟି ହ୍ଵାଟ୍ସଆପରେ ଉପଲବ୍ଧ ହେବ ବୋଲି ଜଣା ପଡ଼ିଛି । ଏହି ସୁବିଧା ହେବା ପରେ ହ୍ଵାଟ୍ସଆପର ବ୍ୟବହାରକାରୀଙ୍କୁ ଅଧିକ ସୁବିଧା ମିଳିବ।
୨.ଏବେ ଆପଣ ହ୍ଵାଟ୍ସଆପରେ ୟୁ ଟ୍ୟୁବ୍ ଭିଡ଼ିଓ ଦେଖିପାରିବେ । ଏଥି ପାଇଁ ଆପଣଙ୍କୁ ହ୍ଵାଟ୍ସଆପକୁ ଛାଡ଼ି ୟୁ ଟ୍ୟୁବ୍କୁ ଯିବାକୁ ପଡ଼ିବ ନାହିଁ । ଆପ୍ ଅପଡ଼େଟ୍ କରିବା ପରେ ଆପଣ ହ୍ଵାଟ୍ସଆପ ମଧ୍ୟରେ ହିଁ ୟୁ ଟ୍ୟୁବ୍ ଭିଡ଼ିଓ ଦେଖି ପାରିବେ । ସବୁଠାରୁ ବଡ଼ କଥା ହେଲା ଆପଣ ଆପ୍ ମଧ୍ୟରେ ଚାଟ୍ କରୁଥିବା ବେଳେ ଭିଡ଼ିଓ ଦେଖି ପାରିବେ । ବାସ୍ ପ୍ଲେ ବଟନ୍ ମାରିବା ପରେ ତାହା ଆପେ ଆପେ ପ୍ଲେ ହୋଇଯିବ ।
୩.ଏବେ ଆପଣ ହ୍ଵାଟ୍ସଆପରେ ପଠାଉଥିବା ଫଟୋରେ ସମୟ, ତାରିଖ ଏବଂ କିଛି ନୂଆ ନୂଆ ଷ୍ଟିକର ଲଗାଇ ପାରିବେ ଏବଂ ଲୋକେସନ ମଧ୍ୟ ଆଡ଼୍ କରି ପାରିବେ । ଏହି ସବୁ ଜିନିଷକୁ ଫଟୋରେ ଆଡ଼୍ କରିବା ପାଇଁ ଯାହାକୁ ପଠାଇବାକୁ ଚାହୁଁଛନ୍ତି ତାଙ୍କର ଚାଟ୍ ବକ୍ସ ଖୋଲି ସେଠାରେ ଥିବା +ଆଇକନକୁ ଚିପି ଧରନ୍ତୁ । ଏହା ପରେ ଫଟୋ ଏବଂ ଭିଡ଼ିଓ ଲାଇବ୍ରେରିକୁ ଯାଇ ଯାହା ପଠାଇବାକୁ ଚହୁଁଛନ୍ତି ତାକୁ ବାଛି ନିଅନ୍ତୁ । ବାଛି ସାରିବା ପରେ ଉପରେ ଥିବା ଇମୋଜିକୁ ବାଛି ଫଟୋରେ ଆଡ଼୍ କରନ୍ତୁ । ଏହି ଭଳି ଭାବରେ ଏବେ ଆପଣମାନେ ଲୋକେସନ ଏବଂ ସମୟ ବି ଦେଇ ପାରିବେ ।
୪. ଯଦି ଆପଣ ଅନ୍ଲାଇନ୍ ଅଛନ୍ତି ବୋଲି କାହାକୁ ଜଣାଇବାକୁ ଚାହାନ୍ତି ନାହିଁ ତେବେ ସେଟିଙ୍ଗକୁ ଯାଆନ୍ତୁ । ଏହା ପରେ ଆକାଉଣ୍ଟ ଯାଇ ପ୍ରାଇଭେସି ଉପରେ କ୍ଲିକ୍ କରନ୍ତୁ । ଏହା ପରେ ଆପଣଙ୍କର ଲାଷ୍ଟସିନ୍ ଅପ୍ସନ ଆସିଯିବ । ଏହା ଉପରେ କ୍ଲିକ୍ କରି ଲାଷ୍ଟସିନ୍ ହାଇଡ଼୍ କରି ନିଅନ୍ତୁ ।