ରେଳ ଫାଟକରେ ଛିଡା ହୋଇ କାନ୍ଦୁଥିଲେ ମହିଳା, କାରଣ ପଚାରିବାରୁ ଟ୍ରେନ୍ ସାମ୍ନାକୁ ଡେଇଁ ପଡ଼ିଲେ
ଶାହଜହାପୁର: ଉତ୍ତରପ୍ରଦେଶ ଶାହଜହାପୁରରେ ଜଣେ ମହିଳା ଟ୍ରେନ୍ ସାମ୍ନାକୁ ଡେଇଁପଡ଼ି ଆତ୍ମହତ୍ୟା କରିଥିବା ଜଣାପଡ଼ିଛି। ସେହି ସମୟରେ ରେଳ ଫାଟକରେ ଛିଡା ହୋଇଥିବା ଲୋକମାନେ କିଛି ବୁଝିବା ପୂର୍ବରୁ ଟ୍ରେନ୍ ସାମ୍ନାକୁ ଡେଇଁ ପଡ଼ିଥିଲେ ମହିଳା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା। ତେବେ ରିପୋର୍ଟ ଲେଖା ହେଲା ପର୍ଯ୍ୟନ୍ତ ମହିଳାଙ୍କ ପରିଚୟ ମିଳି ପାରି ନଥିଲା। ପୁଲିସ ଘଟଣାସ୍ଥଳରେ ପହଞ୍ଚି ମହିଳା ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଏହି ମାମଲାଟି ସଦର ବଜାର ରୋଡେଓ୍ଵଜ ରେଲେଓ୍ଵ ଫାଟକରେ ଘଟିଛି। ଯେଉଁଠାରେ ଏକ ୩୦ବର୍ଷୀୟା ମହିଳା ରେଲେଓ୍ଵ ଫାଟକରେ ଛିଡା ହୋଇ ଅନେକ ସମୟ ଧରି କାନ୍ଦିବାକୁ ଲାଗିଥିଲେ। ପ୍ରତ୍ୟେକଦର୍ଶୀଙ୍କ ମୁତାବକ, ମହିଳା ଏତେ ସମୟ ଧରି କାହିଁକି କାନ୍ଦୁଛନ୍ତି ବୋଲି ଲୋକମାନେ ତାଙ୍କ ପାଖକୁ ଯାଇ ପଚାରି ବୁଝିଥିଲେ। ଏହି ସମୟରେ ଏକ ଟ୍ରେନ୍ଟି ରେଳ ଧାରଣାରେ ଆସିଥିଲା। କେହି କିଛି ବୁଝିବା ପୂର୍ବରୁ ମହିଳା ଟ୍ରେନ୍ ସାମ୍ନାକୁ ଡେଇଁ ପଡ଼ିଥିଲେ। ଏହି ଦୁର୍ଘଟଣାରେ ମହିଳାଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା।
ଘଟଣା ସମ୍ପର୍କରେ ଖବର ପାଇ ଜିଆରପିର ଦୁଇଜଣ ଗାର୍ଡ ଘଟଣାସ୍ଥଳରେ ପହଞ୍ଚି ମହିଳାଙ୍କ ମୃତଦେହକୁ ଉଦ୍ଧାର କରି ଜିଲ୍ଲା ହସ୍ପିଟାଲରେ ଭର୍ତ୍ତି କରିଥିଲେ। ଡାକ୍ତର ସେଠାରେ ମହିଳାଙ୍କୁ ମୃତ ବୋଲି ଘୋଷଣା କରିଥିଲେ। ମହିଳାଙ୍କ ପରିଚୟ ଜାଣିବା ପାଇଁ ଅନୁସନ୍ଧାନ ଜାରି ରହିଛି।