ଗଛକଟା ମାମଲାରେ ଟ୍ରିବ୍ୟୁନାଲ ଝଟ୍କା
୧୯୮୦ ଜଙ୍ଗଲ ଆଇନ ଉଲ୍ଲଂଘନ େହାଇଛି, ରାଜ୍ୟ ସରକାର ଓ ଇଡକୋକୁ ସତ୍ୟପାଠ ଦାଖଲ ନିର୍ଦ୍ଦେଶ
ନୂଆଦିଲ୍ଲୀ: ଢେଙ୍କାନାଳ ବଳରାମପୁର ଅଞ୍ଚଳରେ ମଦ କାରଖାନା ପ୍ରତିଷ୍ଠା ପାଇଁ ଗଛକଟା ଘଟଣାକୁ ନେଇ ଆଜି ଜାତୀୟ ଗ୍ରିନ୍ ଟ୍ରିବ୍ୟୁନାଲ୍ (ଏନ୍ଜିଟି) ଦିଲ୍ଲୀସ୍ଥିତ ପ୍ରମୁଖ ଖଣ୍ଡପୀଠରେ ଶୁଣାଣି ହୋଇଛି। ବିଚାରପତି ଏସ୍ ପି ୱାଗ୍ଡ଼ି, ବିଚାରପତି କେ ରାମକୃଷ୍ଣ ଓ ବୈଷୟିକ ସଦସ୍ୟ ଡକ୍ଟର ନଗିନ ନନ୍ଦ କଲିକତାରେ ବିଚାରଧୀନ ଥିବା ମାମଲାକୁ ଭିଡିଓ କନଫରେନ୍ସିଂ ଜରିଆରେ ଶୁଣାଣି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗଛକଟା ମାମଲାରେ ଦୁଇ ପକ୍ଷ ତଥା ଆବେଦନକାରୀ ଓ ରାଜ୍ୟ ସରକାରଙ୍କ ପକ୍ଷରୁ ଯୁକ୍ତି ଶୁଣିବାପରେ ଖଣ୍ଡପୀଠ କହିଥିଲେ ଯେ ପ୍ରାରମ୍ଭିକ ପର୍ଯ୍ୟାୟରୁ ଜଣାପଡ଼ୁଛି ସେଠାରେ ଜଙ୍ଗଲ ଆଇନ ୧୯୮୦ର ଉଲ୍ଲଂଘନ ହୋଇଛି। ତେବେ ଖଣ୍ଡପୀଠ ଆଜି ଏହି ଗଛକଟା ପ୍ରସଙ୍ଗରେ ରାଜ୍ୟ ସରକାର ଓ ଇଡକୋକୁ ବିସ୍ତୃତ ରିପୋର୍ଟ ଦାଖଲ ପାଇଁ ନିର୍ଦ୍ଦେଶ ଦେଇଛନ୍ତି।
ଜାନୁଆରି ୨୧ରେ ମାମଲାର ପରବର୍ତୀ ଶୁଣାଣି ଥିବାରୁ ଏହା ପୂର୍ବରୁ ସତ୍ୟପାଠ ଦାଖଲ ପାଇଁ ନିର୍ଦ୍ଦେଶ ଦିଆଯାଇଛି।