ଅଲଓ୍ଵରରେ ୩ଜଣ ନାବାଳକଙ୍କ ଦ୍ୱାରା ଦୁଷ୍କର୍ମ ଶିକାର ହେଲେ ୧୫ବର୍ଷୀୟ ନାବାଳିକା, ଜଣକୁ ପିଟି ପିଟି ମାରିଦେଲେ ପରିବାର ଲୋକେ
ଅଲଓ୍ଵର : ଅଲଓ୍ଵରରେ ଜଣେ ଦଳିତ ମହିଳା ଗଣଦୁଷ୍କର୍ମର ଶିକାର ହେବା ମାମଲାର ସମାଧାନ ହୋଇ ନଥିବା ବେଳେ ଏବେ ପୁଣି ଥରେ ଜଣେ ନାବାଳିକା ଦୁଷ୍କର୍ମର ଶିକାର ହୋଇଛନ୍ତି । ସବୁଠାରୁ ଦୁର୍ଭାଗ୍ୟଜନକ କଥା ହେଲା, ପୀଡ଼ିତାଙ୍କୁ ୩ଜଣ ନାବାଳକ ଦୁଷ୍କର୍ମ କରିଛନ୍ତି । ଏହି ମାମଲାକୁ କେନ୍ଦ୍ର କରି ପୁଲିସ ଦୁଇ ଜଣ ଅଭିଯୁକ୍ତଙ୍କୁ କାବୁ କରି ନେଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତା ମେ’ ୧୪ରେ ନିଜ ସଂପର୍କୀୟଙ୍କ ବିବାହରେ ଯୋଗ ଦେବାକୁ ଯାଇଥିବା ବେଳେ ୩ଜଣ ଅଭିଯୁକ୍ତ ତାଙ୍କ ସହ ଦୁଷ୍କର୍ମ କରିଥିଲେ । ଏ ନେଇ ପରିବାର ଲୋକଙ୍କୁ ଜଣା ପଡ଼ିବା ପରେ ଦୁଇ ଅଭିଯୁକ୍ତକୁ କାବୁ କରି ନେଇଥିଲେ ପରିବାର ଲୋକେ । କିନ୍ତୁ ଅନ୍ୟ ଜଣେ ଖସିବାରେ ସଫଳ ହୋଇଥିଲା । ଦୁଇ ଜଣଙ୍କୁ ଧରି ପୀଡ଼ିତାଙ୍କ ପରିବାର ଲୋକେ ମାଡ଼ ମରିଥିବା ବେଳେପରଦିନ ସକାରେ ଜଣେ ଅଭିଯୁକ୍ତଙ୍କ ମୃତ ଦେହ ରାସ୍ତା କଡ଼ରେ ପଡ଼ିଥିବା ଦେଖା ଯାଇଥିଲା । ଯାହା ପରେ ଏହି ଘଟଣାକୁ ନେଇ ପୁଲିସ ଦୁଇଟି ଏତଲା ରୁଜୁ କରିଥିବା ଜଣା ପଡ଼ିଛି । ପୀଡ଼ିତାଙ୍କ ପରିବାର ୩ଜଣଙ୍କ ବିରୋଧରେ ଦୁଷ୍କର୍ମର ଅଭିଯୋଗ ଆଣିଥିବା ବେଳେ ମୃତ ଅଭିଯୁକ୍ତର ପରିବାର ପୀଡ଼ିତାଙ୍କ ଭାଇ ଏବଂ ଅନ୍ୟମାନଙ୍କ ବିରୋଧରେ ହତ୍ୟା ଅଭିଯୋଗ ଆଣିଛନ୍ତି ।