ରାଜ୍ୟ ବାହାରକୁ ଚୋରା ଚାଲାଣ ହେଉଛି ଶୁଆ: ୫ ଶୁଆ ଉଦ୍ଧାର କଲା ବନ ବିଭାଗ
ଦଶରଥପୁର: ମଂଗଳପୁର ଥାନା ଅର୍ନ୍ତଗତ ଦଶରଥପୁର କାଠଗୋଲା ବୈତରଣୀ ନଦୀ ପଠାରୁ ଶୁଆ ଚୋରା ଚାଲାଣବେଳେ ବନ ବିଭାଗ ପକ୍ଷରୁ ଚଢାଉ କରାଯାଇଥିଲା । ଚଢାଉ କରି ବନ ବିଭାଗ ପକ୍ଷରୁ ୫ ଶୁଆକୁ ଉଦ୍ଧାର କରାଯାଇଥିବାବେଳେ ଶୁଆଧରାଳିମାନେ ଫେରାର ହୋଇଯାଇଥିଲେ । ପ୍ରକାଶଥାଉକି କେନ୍ଦ୍ର ସରକାରଙ୍କ ପକ୍ଷରୁ ଚାଲିଥିବା ତେଲ ସର୍ଭେ (ଅଏଲ ଇଣ୍ଡିଆ)କରୁଥିବା ଲୋକମାନେ ଦୀର୍ଘ ଦିନ ହେବ ଦଶରଥପୁର ଅଂଚଳରୁ ଶୁଆ ଧରି ରାଜ୍ୟ ବାହାରକୁ ଚୋରା ଚାଲାଣ କରିଆସୁଛନ୍ତି । କଲିକତାସ୍ଥ ମୁର୍ଶିଦାବାଦକୁ ଚୋରାରେ ଶୁଆ ଧରି ଚାଲାଣ କରୁଥିଲେ । ସେଠାରୁ ମୋଟାଅଙ୍କର ଅର୍ଥ ପାଉଥିଲେ ।
Sambad is now on WhatsApp
Join and get latest news updates delivered to you via WhatsApp
ମାତ୍ର ନିଟକସ୍ଥ ସମାଜସେବୀ ତଥା ସ୍ନେକ ହେଲ୍ପ ଲାଇନରେ କାର୍ଯ୍ୟକରୁଥିବା ପ୍ରମୋଦ କୁମାର ସାହୁ କୌଣସି ସୂତ୍ରରୁ ଖବର ପାଇ ବନ ବିଭାଗକୁ ଖବର ଦେଇଥିଲେ । ବନ ବିଭାଗ ପକ୍ଷରୁ ବନ ଅଧିକାରୀ ଦୁର୍ଯ୍ୟୋଧନ ବେଜଙ୍କ ନେତୃତ୍ୱରେ ସଦଳବଳେ ଆଜି ଚଢାଉ କରି ୫ଟି ଶୁଆକୁ ଉଦ୍ଧାର କରିଥିଲେ । ଖବର ପାଇ ଶୁଆ ଧରାଳିମାନେ ଫେରାର ହୋଇଯାଇଥିଲେ ।
ଫଳରେ ଜବତ ହୋଇଥିବା ୫ ଶୁଆକୁ ଏକ ପଞ୍ଜୁରୀରେ ନେଇ ବଣରେ ଛାଡିଦେଇଥିଲେ । ସୂଚନାଥାଉକି ତେଲ ସର୍ଭେ (ଅଏଲ ଇଣ୍ଡିଆ)ରେ କାର୍ଯ୍ୟ କରୁଥିବା ପ୍ରାୟ ୪ଶହରୁ ଅଧିକ ଲୋକ ପଶ୍ଚିମବଙ୍ଗ ଏବଂ ତେଲେଙ୍ଗାନା ରାଜ୍ୟର ହୋଇଥିବାବେଳେ ସେମାନେ କିଛି ଦିନ ହେବ ଏଠାରେ ରହି ସର୍ଭେ କାର୍ଯ୍ୟ କରୁଥିବାବେଳେ ଶୁଆମାନଙ୍କୁ ଧରି ରାଜ୍ୟ ବାହାରକୁ ଚାଲାଣ କରିଆସୁଥିଲେ । ଚଢାଉ ସମୟରେ ସ୍ନେକହେଲ୍ପ ଲାଇନର ଚିତ୍ତରଂଜନ ପଣ୍ଡା, ଆଲୋକ ସାହୁ ଉପସ୍ଥିତ ରହି ସହଯୋଗ କରିଥିଲେ ।