ବାଣ ମୂଲ୍ୟ ବଢିଥିବା ସତ୍ତ୍ୱେ ଏଥର ସାରା ଦେଶରେ ବିକ୍ରି ହୋଇଛି ୬ ହଜାର କୋଟି ଟଙ୍କାର ବାଣ
ନୂଆଦିଲ୍ଲୀ: ଦର ବଢିଥିବା ସତ୍ତ୍ୱେ ଏଥର ଦେଶରେ ବାଣ ବିକ୍ରି ବହୁତ ବଢିଛି | ଦିଲ୍ଲୀ ବ୍ୟତୀତ ଦୀପାବଳିରେ ଖୁଚୁରା ବ୍ୟବସାୟୀମାନେ ସମଗ୍ର ଦେଶରେ ପ୍ରାୟ ୬,୦୦୦ କୋଟି ଟଙ୍କାର ବାଣ ବିକ୍ରି କରିଛନ୍ତି | ଆଉ ଏହା ପରେ ବାଣ ଶିଳ୍ପ ସହ ଜଡିତ ବ୍ୟକ୍ତି ଓ ଉଦ୍ୟୋଗମାନେ ଖୁବ ଖୁସି ଅଛନ୍ତି | କାରଣ ଗତ ଦୁଇ ବର୍ଷ ମଧ୍ୟରେ କରୋନା ମହାମାରୀ ଯୋଗୁଁ ବାଣ ଶିଳ୍ପ ବହୁତ କ୍ଷତିର ସମ୍ମୁଖୀନ ହୋଇଥିଲା | ତାମିଲନାଡୁର ଆତସବାଜି ଉତ୍ପାଦକ ସଂଘ (TANFAMA) ର ଅଧ୍ୟକ୍ଷ ଗଣେଶନ ପଞ୍ଜୁରଜନଙ୍କ କହିବା ଅନୁଯାୟୀ କରୋନା ମହାମାରୀ ଆରମ୍ଭ ହେବା ପରେ କଞ୍ଚାମାଲର ମୂଲ୍ୟ ୫୦% ବୃଦ୍ଧି ପାଇଥିଲା ଏବଂ ଆଜି ପର୍ଯ୍ୟନ୍ତ ହ୍ରାସ ପାଇନାହିଁ। ସେ କହିଛନ୍ତି ଯେ, ସ୍ୱାଭାବିକ ଭାବରେ ଏହା ଯୋଗୁଁ ଉତ୍ପାଦ ମୂଲ୍ୟରେ ୩୦ ରୁ ୩୫ ପ୍ରତିଶତ ବୃଦ୍ଧି ଘଟିଛି।
Sambad is now on WhatsApp
Join and get latest news updates delivered to you via WhatsApp
ତେବେ ଏଥର ୬୦୦୦ କୋଟି ଟଙ୍କାର ଖୁଚୁରା କାରବାର ହୋଇଛି । ସେ କହିଛନ୍ତି ଯେ ୨୦୧୬ ରୁ ୨୦୧୯ ପର୍ଯ୍ୟନ୍ତ ଦୀପାବଳି ସମୟରେ ବ୍ୟବସାୟ ଭଲ ଥିଲା। ପ୍ରତିବର୍ଷ ପ୍ରାୟ ଚାରିରୁ ପାଞ୍ଚ ହଜାର କୋଟି ଟଙ୍କା ବିକ୍ରି ହେଉଥିଲା। ତେବେ ଏଥର ଏହା ବଢି ୬ ହଜାର କୋଟି ଟଙ୍କାରେ ପହଞ୍ଚିଛି | ସେ କହିଛନ୍ତି ଯେ ଏଥର ବିକ୍ରି ଏତେ ଭଲ ହୋଇଛି ଯେ ସମସ୍ତ ବାଣ ଖୁଚୁରା ବିକ୍ରେତା ଆମଠାରୁ କିଣିନେଇଛନ୍ତି | ସେ କହିଛନ୍ତି ଯେ ମହାରାଷ୍ଟ୍ରରେ ସର୍ବାଧିକ ମାତ୍ରାରେ ବାଣ ବିକ୍ରି ହୋଇଛି |
ମହାରାଷ୍ଟ୍ର ତଳକୁ ଉତ୍ତରପ୍ରଦେଶ, ବିହାର ଏବଂ ଗୁଜୁରାଟରେ ସର୍ବାଧିକ ବାଣ ବିକ୍ରି ହୋଇଛି । ଗଣେଶନ କହିଛନ୍ତି ଯେ, କୋଭିଡର ୨ ବର୍ଷ ପରେ ବହୁ ସଂଖ୍ୟାରେ ଲୋକ ବାଣ କିଣିବାକୁ ଆଗକୁ ଆସିଛନ୍ତି | ଗଣେଶନ କହିଛନ୍ତି ଯେ ସୁପ୍ରିମକୋର୍ଟ ଏବଂ ସରକାରୀ କର୍ତ୍ତୃପକ୍ଷଙ୍କ ନିର୍ଦ୍ଦେଶାବଳୀ ଅନୁଯାୟୀ ସବୁ ପ୍ରକାର ବାଣ ପ୍ରସ୍ତୁତ କରାଯାଇଥିଲା, ଯାହା ସବୁଜ କ୍ରାକର ବର୍ଗରେ ଆସିଥାଏ।