ସିଓପି ୨୭ରେ ଭାରତୀୟ ପାଭିଲିୟନକୁ ଉଦ୍ଘାଟନ କଲେ କେନ୍ଦ୍ରମନ୍ତ୍ରୀ
ନୂଆଦିଲ୍ଲୀ : କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଭୂପେନ୍ଦ୍ର ଯାଦବ ୟୁଏନ୍ଏଫ୍ସିସିସି (ସିଓପି-୨୭)ଠାରେ ଭାରତୀୟ ପାଭିଲିୟନକୁ ଉଦ୍ଘାଟନ କରିଛନ୍ତି। ସିଓପି-୨୭ ସମ୍ମିଳନୀ ଆଜିଠାରୁ ଇଜିପ୍ଟର ଶର୍ମଏଲଶେଖଠାରେ ଆରମ୍ଭ ହୋଇଛି। ଜଳବାୟୁ ପରିବର୍ତ୍ତନକୁ ନେଇ ମିଳିତ ଜାତିସଂଘ ସଦସ୍ୟ ଦେଶମାନଙ୍କର ସମ୍ମିଳନୀ ବା ସିଓପି-୨୭ ରବିବାରଠାରୁ ଆରମ୍ଭ ହୋଇଛି ଏବଂ ଏହା ଆସନ୍ତା ୧୮ ତାରିଖ ପର୍ଯ୍ୟନ୍ତ ଚାଲିବ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପାଭିଲିୟନକୁ ସବୁ ରାଷ୍ଟ୍ରର ପ୍ରତିନିଧିମାନଙ୍କୁ ସ୍ବାଗତ ଜଣାଇ ଯାଦବ କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜଳବାୟୁ ପରିବର୍ତ୍ତନ ଭଳି ସମସ୍ୟାର ସମାଧାନ ପାଇଁ ଏକ ସରଳ ସମାଧାନ ଦେଇଛନ୍ତି। ସେ କହିଛନ୍ତି, ଭାରତର ବିଚାର ହେଉଛି ତୃଣମୂଳ ଓ ବ୍ୟକ୍ତିଗତ ସ୍ତରରୁ ଜଳବାୟୁ ପରିବର୍ତ୍ତନର ମୁକାବିଲା କରିବା। ତେଣୁ ଭାରତୀୟ ପାଭିଲିୟନର ବିଷୟବସ୍ତୁ ରଖାଯାଇଛି ଲାଇଫ- ପରିବେଶ ପାଇଁ ଜୀବନଶୈଳୀ। ଏହି ଅବସରରେ ଶ୍ରୀ ଯାଦବ ସିଓପି ଯୁବ ଗବେଷକମାନଙ୍କୁ ସମ୍ମାନିତ କରିଥିଲେ। ଏହି ଭାରତୀୟ ଗବେଷକମାନେ ସକାରାତ୍ମକ ଜଳବାୟୁ ପରିବର୍ତ୍ତନ ସମାଧାନ କ୍ଷେତ୍ରରେ କାର୍ଯ୍ୟ କରୁଛନ୍ତି।