ବେଆଇନ ଆମଦାନି ଉପରେ ସରକାର ଲଗାଇବେ ଅଙ୍କୁଶ : ବିଦେଶରୁ ଉପହାର ଆଣିବା ଲାଗି ଦେବାକୁ ହେବ ଆଧାର, ସର୍ବୋଚ୍ଚ ସୀମା ୫ ହଜାର
ନୂଆଦିଲ୍ଲୀ: ଖୁବ୍ ଶୀଘ୍ର ହିଁ ଆପଣଙ୍କୁ ଅନଲାଇନ ସାମଗ୍ରୀ ଅର୍ଡର ପାଇଁ ଆଧାର ନମ୍ବର ବି ଦେବାକୁ ହେବ ଏବଂ ପ୍ରତିଟି ଆଧାର ନମ୍ବର ଉପରେ ମାତ୍ର ୫ ହଜାର ଟଙ୍କାର ଜିନିଷ ହିଁ ଅର୍ଡର କରିପାରିବେ । ସୂଚନା ମୁତାବକ, କେନ୍ଦ୍ର ସରକାର ବିଦେଶରୁ ଆସୁଥିବା ସାମଗ୍ରୀକୁ ତଦନ୍ତ ପରିସରରେ ଆଣିବାକୁ ଯୋଜନା ପ୍ରସ୍ତୁତ କରୁଛନ୍ତି । ବିଶେଷ କରି ଚୀନରୁ ଆସୁଥିବା କନସାଇନମେଂଟ୍ସ (ପ୍ରେରିତମାଲ)ସରକାରଙ୍କ ନଜରରେ ରହିବ ।
Sambad is now on WhatsApp
Join and get latest news updates delivered to you via WhatsApp
ଚୀନ ଇ- କମର୍ସ କଂପାନୀଗୁଡିକ କଷ୍ଟମର ଡ୍ୟୁଟି ଏବଂ ବିଭିନ୍ନ ପ୍ରକାରର ଟ୍ୟାକ୍ସରୁ ବଂଚିବା ପାଇଁ ନିଜ ସାମଗ୍ରୀକୁ ଉପହାର ଆକାରରେ ଭାରତକୁ ପଠାଉଥିଲେ । ଏଭଳି ପରିସ୍ଥିତିରେ ସରକାର ଯୋଜନା ପ୍ରସ୍ତୁତ କରୁଛନ୍ତି କି ଗୋଟିଏ ଆଧାର କାର୍ଡ ଉପରେ ଉଭୟ ଇ-କମର୍ସ ପ୍ଲାର୍ଟଫମ ଏବଂ ଆପ୍ଲିକେସନରୁ କେବଳ ୫ ହଜାର ଟଙ୍କା ପର୍ଯ୍ୟନ୍ତର ଜରୁରୀ ଉପହାର(Imported Gift )ଅର୍ଡର କରାଯାଇପାରିବ ।
ବାଣିଜ୍ୟ ମନ୍ତ୍ରାଳୟର ସୂତ୍ର ମୁତାବକ, ଏହି ୫ ହଜାର ଟଙ୍କା ପର୍ଯ୍ୟନ୍ତର Imported Gift ମଗାଇବା ପାଇଁ ଆଧାର କାର୍ଡ ହେଉଛି ଏକମାତ୍ର ବିକଳ୍ପ । ଗ୍ରାହକ କୌଣସି ବି ତରିକାରେ କେୱାଇସି ପୂରା କରି ବିଦେଶ ଇ-କମର୍ସ କଂପାନୀମାନଙ୍କଠାରୁ Imported Gift ମଗାଇପାରିବେ । ଡିପାର୍ଟମେଂଟ ଅଫ ଇଣ୍ଡଷ୍ଟ୍ରିଆଲ ପଲିସି ଆଣ୍ଡ ପ୍ରମୋସନ (DIPP) ରେଭିନ୍ୟୁ ବିଭାଗଠାରୁ ଦାବି କରିଥିଲେ କି ସେମାନେ ଉପହାର ରୂପରେ ଆସୁଥିବା କନସାଇନମେଂଟ(ପ୍ରେରିତମାଲ)ର ଉତ୍ସଗୁଡିକର ଲୋକେସନ ସଂପର୍କରେ ସନ୍ଧାନ ଲଗାଇବାକୁ, ଯାହାଦ୍ୱାରା କୌଣସି ପ୍ରକାରର ଅପ୍ରୀତିକର ପରିସ୍ଥିତିକୁ ବହୁ ପୂର୍ବରୁ ହିଁ ରୋକାଯାଇପାରିବ ।
ତେବେ ଚୀନ କଂପାନୀଗୁଡିକ ନିଜ ମାଲ ବହୁତ ଶସ୍ତା ଦରରେ ଭାରତରେ ବିକ୍ରି କରୁଛନ୍ତି, କାହିଁକି ନା ସେମାନେ ନିଜ ମାଲକୁ ଉପହାର ରୂପରେ ଭାରତକୁ ପଠାଉଛନ୍ତି । ଯେଉଁ କାରଣରୁ ସେମାନଙ୍କୁ କଷ୍ଟମର ଡ୍ୟୁଟି ଦେବାକୁ ପଡିନଥାଏ । ଏହି କାରଣରୁ ଭାରତୀୟ ରିଟେଲର୍ସଙ୍କ ସାମଗ୍ରୀକୁ ଲୋକେ ବହୁତ କମ କିଣୁଛନ୍ତି । ଏହି ସାଇଟଗୁଡିକ ଉପରେ ମିଳୁଥିବା ସାମଗ୍ରୀଗୁଡିକ କେବଳ ଭାରତୀୟ ଇ-କମର୍ସ ସାଇଟଗୁଡିକୁ ୫୦ରୁ ୬୦ ପ୍ରତିଶତ ଶସ୍ତା ନୁହେଁ, ବରଂ ବଜାର ଦାମଠାରୁ ବି ବହୁତ ଶସ୍ତା ଅଟେ ।
କିଛିଦିନ ପୂର୍ବରୁ ଖୁଲାସା ହୋଇଥିଲା କି, ଏହି ସାଇଟଗୁଡିକୁ ପ୍ରତିଦିନ ପାଖାପାଖି ଦୁଇ ଲକ୍ଷ ଅର୍ଡର ମିଳୁଛି, ଯେଉଁଗୁଡିକ କି ଉପହାର ଆଧାରରେ ଭାରତରେ ଡେଲିଭର କରାଯାଇଥାଏ । ଏହି ଇ-କମର୍ସ କଂପାନୀଗୁଡିକ ଭାରତରେ ବ୍ୟାପାର ସଂସ୍ଥା ବା ଶ୍ରେଣୀରେ ରେଜିଷ୍ଟର୍ଡ ନାହାନ୍ତି । ଏଥିପାଇଁ ବିଭିନ୍ନ ଅଭିଯୋଗ ଦାଖଲ କରିବା, ସାମଗ୍ରୀକୁ ରିଟର୍ଣ୍ଣ କରିବାର ପ୍ରକ୍ରିୟା ବହୁତ ଜଟିଳ ହୋଇଥାଏ । ଏଭଳି ପରିସ୍ଥିତିରେ ସ୍ୱଦେଶୀ ଜାଗରଣ ମଂଚକୁ ଏହିସବୁ କଂପାନୀଗୁଡିକ ଖତରନାକ, ପ୍ରତିବଦ୍ଧିତ, ଅସୁରକ୍ଷିତ ଏବଂ ଡୁପ୍ଲିକେଟ ଜିନିଷ ପହଞ୍ଚାଉଛନ୍ତି ।