ବେଜିଂ : ଆମେରିକା ପାଖରେ ଏକ ଶକ୍ତିଶାଳୀ ଅଣ-ପରମାଣୁ ବୋମା ରହିଛି । ଯାହାକୁ କୁହାଯାଏ ମଦର ଅଫ ଅଲ ବମସ ବା ସବୁ ବୋମାଙ୍କ ମା’ । ପରମାଣୁ ବୋମା ପରେ ଏହା ହିଁ ହେଉଛି ବିଶ୍ୱର ସବୁଠାରୁ ଶକ୍ତିଶାଳୀ ବୋମା । ଏବେ ଚୀନ ଆମେରିକାର ଏହି ବୋମାକୁ ଜବାବ ଦେବାଭଳି ଏକ ବୋମା ତିଆରି କରିଥିବା ଦାବି କରିଛି ।
Sambad is now on WhatsApp
Join and get latest news updates delivered to you via WhatsApp
ଏହି ବୋମା ଆମେରିକାର ମଦର ଅଫ ଅଲ ବମସ ପରି ଶକ୍ତିଶାଳୀ ବୋଲି ଚୀନର ସରକାରୀ ନିୟନ୍ତ୍ରଣାଧୀନ ଗଣମାଧ୍ୟମ ଗ୍ଲୋବାଲ ଟାଇମ୍ସ ଦାବି କରିଛି । ଏହି ବୋମାକୁ ଚୀନର ପ୍ରତିରକ୍ଷା ସାମଗ୍ରୀ ନିର୍ମାଣକାରୀ କମ୍ପାନି ନରିନକୋ ପକ୍ଷରୁ ନିର୍ମାଣ କରାଯାଇଛି । ଏହାକୁ ଗତ ଡିସେମ୍ବର ଶେଷ ବେଳକୁ ଚୀନର ଏକ ଅଜ୍ଞାତ ସ୍ଥାନରେ ପରୀକ୍ଷା କରାଯାଇଥିଲା । ଚୀନର ଏକ ବିମାନ ଏଚ୬କେରୁ ଏହାକୁ ଆକାଶମାର୍ଗରୁ ପକାଯାଇଥିଲା । ଏହା ଏକ ବିରାଟ ବିସ୍ଫୋରଣ କରି ବ୍ୟାପକ କ୍ଷତି କରିଥିିବା ଚୀନ ଦାବି କରିଛି । ଏହି ମୋବାର ଧ୍ୱଂସକାରୀ ଶକ୍ତିକୁ ଦେଖାଇବା ପାଇଁ କମ୍ପାନି ପକ୍ଷରୁ ଏକ ଭିଡିଓ ମଧ୍ୟ ରିଲିଜ କରାଯାଇଛି । ଗତ ବର୍ଷ ଆଫଗାନିସ୍ଥାନରେ ଆଇଏସ ଉପରେ ଆମେରିକା ମଦର ଅଫ ଅଲ ବମସ ପକାଇଥିଲା ।