ଭାରତୀୟ ଏକଟଙ୍କିଆ ନୋଟକୁ ପୂରିଲା ୧୦୦ବର୍ଷ: ଏବେ ବି ଏଥିରେ କିଣିହେବ ଅନେକ ସାମଗ୍ରୀ
ନୂଆଦିଲ୍ଲୀ: ଭାରତରେ ଟଙ୍କିକିଆ ନୋଟ୍ ପ୍ରଚଳନ ୧୦୦ ବର୍ଷ ପୂର୍ଣ୍ଣ କରିଛି । ନଭେମ୍ବର ୩୦, ୧୯୧୭ରେ ତତ୍କାଳୀନ ବ୍ରିଟିସ୍ ସରକାର ସର୍ବପ୍ରଥମେ ଏହି ନୋଟକୁ ଛପାଇ ବଜାରକୁ ଛାଡ଼ିଥିଲେ। ଏହି ୧୦୦ ବର୍ଷ ମଧ୍ୟରେ ବିଭିନ୍ନ ଆକାର ଓ ରଙ୍ଗରେ ଏବଂ ବିଭିନ୍ନ ଲୋକଙ୍କ ସ୍ୱାକ୍ଷର ଥିବା ଟଙ୍କିକିଆ ନୋଟ ବଜାରକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ଏହି ୧୦୦ବର୍ଷ ପୂର୍ତ୍ତି ଅବସରରେ ଆସନ୍ତୁ ଜାଣିବା ଟଙ୍କିକିଆ ନୋଟର ଇତିହାସ ଉପରେ । ଆପଣ ଜାଣି ଆଶ୍ଚର୍ଯ୍ୟ ହେବେ,୧୯୧୭ରୁ ୨୦୧୭ ମଧ୍ୟରେ ପ୍ରାୟ ୧୨୫ଟି ନକ୍ସାରେ ଟଙ୍କିକିଆ ନୋଟ ଛପା ଯିବା ସହ ଭିନ୍ନ ଭିନ୍ନ ସିରିୟଲ ନମ୍ବର ଏବଂ ସ୍ୱାକ୍ଷର ଥାଇ ପ୍ରକାଶ କରାଯାଇଛି । ୧୦୦ ବର୍ଷ ମଧ୍ୟରେ ପ୍ରାୟ ୨୮ଥର ଏହି ନୋଟର ଡ଼ିଜାଇନ୍ ପରିବର୍ତ୍ତନ କରାଯାଇଛି ।
ପ୍ରଥମେ ଟଙ୍କିକିଆ ନୋଟରେ ‘ଆଇ ପ୍ରମିଜ୍ ଟୁ ପେ’ ଲେଖା ଯାଇଥିବା ବେଳେ ଇଂଲଣ୍ଡର ରାଜା ପଞ୍ଚମ ଜର୍ଜଙ୍କ ଫଟୋ ରଖା ଯାଇଥିଲା । ୧୯୨୬ରେ ଏହି ନୋଟର ପ୍ରଚଳନ ବନ୍ଦ କରି ଦିଆଯାଇଥିବା ବେଳେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଏହାକୁ ଏକ ନୂଆ ରୂପରେ ପୁଣିଥରେ ବାହାର କରାଗଲା । ସ୍ୱାଧୀନତା ପରେ ପରେ ୧୯୪୮ରେ ନୂଆ ରଙ୍ଗ ଏବଂ ନୁଆ ଆକାରରେ ଟଙ୍କିକିଆ ନୋଟକୁ ଛପାଯିବା ସହ ତା’ଉପରେ ୮ଟି ଭାରତୀୟ ଭାଷାରେ ‘ଓ୍ଵାନ୍ ରୁପି’ ନୋଟ୍ ଲେଖାଯାଇଥିଲା ।
୧୯୪୮ ପର୍ଯ୍ୟନ୍ତ ପ୍ରାୟ ୬୦ ପ୍ରକାରର ଟଙ୍କିକିଆ ନୋଟ ବଜାରକୁ ଛଡ଼ାଯାଇଥିଲା । ୧୯୬୯ରେ ନୋଟ ଉପରେ ମହାତ୍ମା ଗାନ୍ଧିଙ୍କର ଫଟୋ ରଖାଗଲା । ୧୯୭୦ ପର୍ଯ୍ୟନ୍ତ ଏହି ଟଙ୍କିକିଆ ନୋଟକୁ ଭାରତ ଅପେକ୍ଷା ଦୁବାଇ, ଓମାନ ,ବାହାରେନ୍, ମସ୍କଟ୍ ଆଦି ଦେଶରେ ବ୍ୟବହାର କରାଯାଉଥିଲା। ୧୯୮୧ରେ ଏହାକୁ ପରିବର୍ତ୍ତନ କରାଯାଇ ମହାତ୍ମା ଗାନ୍ଧିଙ୍କ ସ୍ଥାନରେ ଭାରତର ତେଲ ଅନେ୍ଵଷଣ ରିଗ୍ ସାଗର ସମ୍ରାଟର ଫଟୋ ରଖାଗଲା । ୧୯୯୪ ପର୍ଯ୍ୟନ୍ତ ଏହାକୁ ଅପରିବର୍ତ୍ତିତ ରଖାଯାଇଥିଲା । ପରେ ଏହାକୁ ଛପାଇବାରେ ଅଧିକ ପଇସା ଲାଗିବାରୁ ୧୯୯୫ରେ ଏହାକୁ ବନ୍ଦ କରାଗଲା
On this day on 1917 first time 1 rupee note is introduced?Happy 100 birthday to 1 rupee note… Always special for us..#100years @RBI @arunjaitley#ThursdayThoughts #Rupee #onerupeenote pic.twitter.com/m1ddlceE74
— Mayank goswami (@Mayank_48) November 30, 2017
ଦୀର୍ଘ ୨୧ ବର୍ଷ ପରେ ୨୦୧୫ରେ ରିଜର୍ଭ ବ୍ୟାଙ୍କ ଏହାକୁ ନୂଆ ରୂପରେ ବାହାର କରିଥିବା ବେଳେ ୨୦୧୭ରେ ଏହାକୁ ପୁଣି ପରିବର୍ତ୍ତନ କରାଯାଇଥିଲା । ୧୯୧୭ରେ ବାହାରିଥିବା ନୋଟରେ ୩ଜଣ ବ୍ରଟିସ୍ ଫାଇନାନ୍ସ ସେକ୍ରଟାରିଙ୍କ ସ୍ୱାକ୍ଷର ଥିଲା । ବାରମ୍ବାର ପରିବର୍ତ୍ତନ ହେଲା ପରେ ଏଯାବତ୍ ଟଙ୍କିକିଆ ନୋଟରେ ପ୍ରାୟ ୨୧ଜଣଙ୍କର ସ୍ୱାକ୍ଷର ରହିଛି । ଅନ୍ୟ ନୋଟମାନଙ୍କର ଭାରତୀୟ ରିଜର୍ଭ ବ୍ୟାଙ୍କ ରାଜ୍ୟପାଳଙ୍କର ସ୍ୱାକ୍ଷର ଥିବା ବେଳେ ଟଙ୍କିକିଆ ନୋଟରେ ଭାରତର ଫାଇନାନ୍ସ ସେକ୍ରେଟାରିଙ୍କ ହସ୍ତାକ୍ଷର ରହିଥାଏ । ଏହି ନୋଟରେ ଗଭର୍ଣ୍ଣମେଣ୍ଟ ଅଫ୍ ଇଣ୍ଡିଆ ଲେଖାଯାଇଥିବା ବେଳେ ଅନ୍ୟ ନୋଟ ମାନଙ୍କରେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ବା ଭାରତୀୟ ରିଜର୍ଭ ବ୍ୟାଙ୍କ ଛପା ଯାଇଥାଏ ।
ବର୍ତ୍ତମାନ ଅଚଳ ହୋଇନାହିଁ ଏକ ଟଙ୍କିଆ ନୋଟ୍। ଏବେ ି ଟଙ୍କାକରେ ଜଣେ ଚକୋଲେଟ, ପାଣି ପାଉଚ, ତେଲ ଓ ସାମ୍ପୁର ମିନି ସାଚେଟ୍ ଆଦି ସାମଗ୍ରୀ କିଣଇ ପାରିବ।