ଋଣ ସୁଧହାର କମାଇଲା ଷ୍ଟେଟ ବ୍ୟାଙ୍କ ; ଗୃହ, ଯାନବାହାନ ଋଣ ଶସ୍ତା ହେବା ସମ୍ଭାବନା
ମୁମ୍ବାଇ : ଦେଶର ବୃହତ୍ତମ ବାଣିଜ୍ୟିକ ବ୍ୟାଙ୍କ ଭାରତୀୟ ଷ୍ଟେଟ ବ୍ୟାଙ୍କ ନିଜର ଋଣ ସୁଧହାର ୧୫ ବେସିସ ପଏଣ୍ଟ ପର୍ଯ୍ୟନ୍ତ ହ୍ରାସ କରିଛି । ଏହା ଫଳରେ ଗୃହ ଓ ଯାନବାହାନ ଋଣ ଶସ୍ତା ହେବାର ସମ୍ଭାବନା ରହିଛି । ତେବେ ଷ୍ଟେଟ ବ୍ୟାଙ୍କ ପକ୍ଷରୁ ସବୁ ସଂଚୟ ଜମା ଖାତାରେ ଦିଆଯାଉଥିବା ସୁଧହାରକୁ ୩ ପ୍ରତିଶତକୁ ହ୍ରାସ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ବୁଧବାରଦିନ ଷ୍ଟେଟ ବ୍ୟାଙ୍କ ପକ୍ଷରୁ ଜାରି ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ବ୍ୟାଙ୍କ ବିଭିନ୍ନ ମିଆଦ ପାଇଁ ନିଜର ସର୍ବନିମ୍ନ ଋଣସୁଧହାର ଏମସିଏଲଆର ୧୫ ବେସିସ ପଏଣ୍ଟ ବା ୦.୧୫ ପ୍ରତିଶତ ପର୍ଯ୍ୟନ୍ତ ହ୍ରାସ କରିଛି । ଏକ ବର୍ଷର ଏମସିଏଲଆର ୧୦ ବେସିସ ପଏଣ୍ଟ ହ୍ରାସ ପାଇ ୭.୭୫ ପ୍ରତିଶତକୁ କମିଯାଇଛି । ଏହା ଫଳରେ ଗୃହଋଣ ସମେତ ଅନ୍ୟ ଋଣ ସୁଧହାର କମିବ । ଏହି ନୂତନ ହାର ମାର୍ଚ୍ଚ ୧୦ରୁ ଲାଗୁ ହେବ । ଚଳିତ ଆର୍ଥକ ବର୍ଷରେ ଷ୍ଟେଟ ବ୍ୟାଙ୍କର ଏହା ୧୦ ମ ସୁଧହାର ହ୍ରାସ ।
ଷ୍ଟେଟ ବ୍ୟାଙ୍କ ଗତ ଫେବ୍ରୁଆରୀ ମାସରେ ମଧ୍ୟ ଋଣ ଓ ଜମା ସୁଧହାର ହ୍ରାସ କରିଥିଲା । ବ୍ୟାଙ୍କ ନିଜର ସର୍ବନିମ୍ନ ଋଣସୁଧହାର ଏମସିଏଲଆର ୫ ବେସିସ ପଏଣ୍ଟ ବା ୦.୦୫ ପ୍ରତିଶତ ହ୍ରାସ କରିଥିଲା । ସେହିପରି ଷ୍ଟେଟ ବ୍ୟାଙ୍କ ପକ୍ଷରୁ ଫିକ୍ସ ଡିପୋଜିଟ ବା ସ୍ଥାୟୀ ଜମା ଉପରେ ସୁଧହାର ୧୦ରୁ ୫୦ ବେସିସ ପଏଣ୍ଟ (୦.୧% ରୁ ୦.୫% )ପର୍ଯ୍ୟନ୍ତ ହ୍ରାସ କରିଥିଲା ।