ମଦ ପିଇବାକୁ ମନା କରିବାରୁ ସାଥୀ ଯବାନଙ୍କୁ ଅଚେତ ହେବା ପର୍ଯ୍ୟନ୍ତ ପିଟିଲେ ମେଜର
ପୁଣେ : ମଦ ପିଇବାକୁ ମନା କରିବାରୁ ସେନାର ମେଜର ନିଜ ସାଥୀ ଯବାନଙ୍କୁ ମାଡ଼ ମାରିବା ଘଟଣା ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ମେଜରଙ୍କ ସହ ଅନ୍ୟ ୩ଜଣ ଯବାନ ମିଶି ପୀଡ଼ିତଙ୍କୁ ଅଚେତ ହେବା ପର୍ଯ୍ୟନ୍ତ ପିଟିଥିଲେ । ଏ ନେଇ ସାଙ୍ଘବୀ ପୁଲିସ ଦ୍ୱାରା ମାମଲା ରୁଜୁ କରାଯାଇଛି । ଘଟଣାଟି ଜୁନ୍ ୩ରେ ଔନ୍ଧ୍ ମିଲିଟାରୀ ଷ୍ଟେସନରେ ଘଟିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ଅନୁଯାୟୀ, ଜୁନ୍ ୩ରେ ସେନାବାସ ଦେଇ ପୀଡ଼ିତ ଯାଉଥିବା ବେଳେ ମେଜରଙ୍କ ସମେତ ଅନ୍ୟ ୩ଜଣ ମିଶି ମଦ ପିଉଥିଲେ । ପୀଡ଼ିତଙ୍କୁ ଦେଖି ମଦ ପିଇବାକୁ ଡ଼ାକିବା ପରେ ପୀଡ଼ିତ ପିଇବାକୁ ମନା କରି ଦେଇଥିଲେ । କିନ୍ତୁ ମେଜର ଜୋର ଜବରଦସ୍ତ ପୀଡ଼ିତଙ୍କୁ ଟାଣି ଆଣି ମଦ ପିଆଇଥିଲେ । ଏଭଳି ବ୍ୟବହାରରେ ରାଗି ଯାଇ ପୀଡ଼ିତା ଯିବାକୁ ବସିବାରୁ ମେଜର ଏବଂ ଅନ୍ୟ ୩ଜଣ ଯବାନ ପୀଡ଼ିତଙ୍କୁ ଲୁହା ରଡ଼ ଏବଂ ବାଡ଼ିରେ ପିଟିବା ଆରମ୍ଭ କରିଥିଲେ । ପୀଡ଼ିତ ଅଚେତ ନ ହେବା ପର୍ଯ୍ୟନ୍ତ ୪ଜଣ ତାଙ୍କୁ ମାରିବାରେ ଲାଗିଥିଲେ । ଏହା ପରେ ତୁରନ୍ତ ପୀଡ଼ିତଙ୍କୁ ଔନ୍ଧ୍ ଡ଼ାକ୍ତରଖାନାକୁ ନିଆ ଯାଇଥିଲା । ଭର୍ତ୍ତି ହେବାର ୪ଦିନ ପରେ ପୀଡ଼ିତଙ୍କ ଚେତା ଫେରିଥିଲା ।