ବାଲେଶ୍ୱର: ବାଲେଶ୍ୱର ଟାଉନ୍ ଥାନା ଅଞ୍ଚଳରେ ୨ଟି ପୃଥକ ଚୋରି ଘଟଣାରେ ପୁଲିସ ଏକ ବଡ଼ ଡକାୟତ ଗ୍ୟାଙ୍ଗକୁ ଧରିଛି। ୨ଟି ଡକାୟତି ଘଟଣାରେ ୭ ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଗିରଫଙ୍କ ମଧ୍ୟରେ ଚୋରି ସାମଗ୍ରୀ କିଣିଥିବା ୨ ଜଣ ଅଭିଯୁକ୍ତ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ୨୮ ତାରିଖରେ ଟାଉନ୍ ଥାନା ଅନ୍ତର୍ଗତ ଭାଇ ସାହିର ସଂଘମିତ୍ରା ବେହେରା ନାମକ ଜଣେ ମହିଳାଙ୍କ ଘରୁ ଗୋଟିଏ ସୁନା ମୁଦି ଓ ୨୦୦୦ ତାଙ୍କ ଚୋରି ହୋଇଥିବା ଅଭିଯୋଗ ଟାଉନ୍ ଥାନାରେ ହୋଇ ଥିବା ବେଳେ ଘଟଣା ପୂର୍ବ ରାତି ଅର୍ଥାତ ୨୭ ତାରିଖରେ ସୁନହଟ୍ କନକଦୂର୍ଗା ମନ୍ଦିର ନିକଟ ଜୟନ୍ତୀ ପ୍ରଧାନଙ୍କ ଘରୁ କେହି ନ ଥିବା ବେଳେ କଳା କନା ବୁଲାଇଥିଲେ ଦୁର୍ବୃତ୍ତ ।
ଜୟନ୍ତୀଙ୍କ ଘରୁ ପାଖାପାଖି ୧୫ ଲକ୍ଷ ଟଙ୍କାର ସୁନାଗହଣା , ହୀରା , ମୋବାଇଲ ଓ କମ୍ପ୍ୟୁଟର ସାମଗ୍ରୀ ସହ ଦାମୀ ଘଣ୍ଟାକୁ ଦୁର୍ବୃତ୍ତ ଲୁଟି ନେଇଥିଲେ । ଉଭୟ ଘଟଣାରେ ରବି ନାରାୟଣ ବେହେରା , ଦୀପକ୍ ବେହେରା , ଅଶୋକ କୁମାର ମଲ୍ଲିକ , ପ୍ରଶାନ୍ତ ଦାସ୍ ଓ ମକର ଦଳେଇଙ୍କୁ ଗିରଫ କରିଥିବା ବେଳେ ଚୋରି ସାମଗ୍ରୀ କିଣିଥିବା ଅଭିଯୋଗରେ ଅନନ୍ତ ସାହୁ ଓ ସୁବ୍ରତ ଗିରିଙ୍କୁ ପୁଲିସ ଗିରଫ କରିଛି । ଅନ୍ୟପଟେ ଏହି ଦୁଇଟି ଯାକ ଘଟଣାରେ ସଂପୃକ୍ତ ମାଷ୍ଟର ମାଇଣ୍ଡ ରଞ୍ଜନ ବେହେରା ଫେରାର ଥିବା ପୁଲିସ ସୂତ୍ରରୁ ପ୍ରକାଶ ପାଇଛି।