୮୬ ଗ୍ରାମ ବ୍ରାଉନସୁଗାର ଜବତ, ଜଣେ ଗିରଫ
ଖୋର୍ଦ୍ଧା: ଦୁଇଦିିନ ପୂର୍ବେ ଖୋର୍ଦ୍ଧା ପୁଲିସର ଚଢ଼ଉରେ ଠେଙ୍ଗାହାଟରୁ ୫୦ ଗ୍ରାମ ବ୍ରାଉନସୁଗାର ସହ ମହିଳା ମାଫିଆ ଭଉଣୀ ଦ୍ୱୟଙ୍କ ସହ ୬ ଗିରଫ ହୋଇଥିଲେ। ଘରୁ ବିପୁଳ ସୁନା ଅଳଙ୍କାର ଓ ନଗଦ ଟଙ୍କା ଜବତ ହୋଇଥିଲା। ଆଜି ଅବକାରୀ ଚଢ଼ଉରେ ଖୋର୍ଦ୍ଧା ଟାଉନ୍ରୁ ଆଉଜଣେ ବ୍ରାଉନସୁଗାର ବେପାରୀ ଗିରଫ ହୋଇଛି। ଆଜି ଭ୍ରାମ୍ୟମାଣ ଅବକାରୀ ଟିମର ଆଇଆଇସି ରାଜକିଶୋର ସ୍ୱାଇଁ, ଏସ୍ଆଇ ବି ମନୋଜ କୁମାର ଓ ଅନ୍ୟ ଅବକାରୀ କର୍ମଚାରୀ ମାନେ ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ପୁବୁସାହିରେ ଚଢ଼ଉ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଚଢ଼ଉରେ ଏକ ଘରୋଇ କଲେଜ ନିକଟରୁ ପ୍ରଶାନ୍ତ କୁମାର ସାହୁ (୨୨)କୁ ଗିରଫ କରାଯିବା ସହ ତା ନିକଟରୁ ୮୬ ଗ୍ରାମ ବ୍ରାଉନସୁଗାର ଓ ଏକ ବଜାଜ ମୋଟରସାଇକଲ (ଓଡି୦୨ବିପି ୦୯୨୨)ଜବତ ହୋଇଥିଲା। ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୮ଲକ୍ଷ ୬୦ହଜାର ଟଙ୍କା ହେବ। ପ୍ରଶାନ୍ତ ବିରୋଧରେ ବେଆଇନ ନିଶା କାରବାର ଆଇନରେ ୮୬/୨୦୨୨-୨୩ରେ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି।