ସନ୍ତାନ ଜନ୍ମ ହେବା ପରେ ପୂର୍ବ ପାକିସ୍ତାନୀ କ୍ରିକେଟର ସୋଏବ୍ ଅଖ୍ତର କହିଲେ; ଫଟୋ ସେୟାର କରିବି ନାହିଁ, ପୁଅକୁ ତୈମୂର କରିବାକୁ ଚାହେଁ ନାହିଁ
ନୂଆଦିଲ୍ଲୀ : ପୂର୍ବତନ ପାକିସ୍ତାନୀ କ୍ରିକେଟର ସୋଏବ୍ ଅଖତର ନିଜ ୟୁଟ୍ୟୁବ୍ ଚ୍ୟାନେଲ ଜରିଆରେ ପୁଅ ଜନ୍ମ ହେବାର ଖୁସି ଖବର ଦେଇଥିଲେ । ଭିଡିଓରେ ସେ କିଛି ବିବାଦୀୟ କଥା ମଧ୍ୟ କହିଥିଲେ । ଖୁସି ଖବର ଦେଇ ମଧ୍ୟ ନିଜ ପୁଅର ଫଟୋ ସେୟାର କରି ନଥିଲେ ସୋଏବ୍ । ଏହାର କାରଣ ଜଣାଇ ମୁଁ ଫଟୋ ସେୟାର କରିବି ନାହିଁ । କାରଣ ମୁଁ ଚାହେଁନି ମୋ ପୁଅ ତୈମୁରଙ୍କ ଭଳି ଲାଇମ୍ଲାଇଟକୁ ଆସୁ । ଗୁରୁବାର ସୋଏବ୍ ବାପା ବନିଥିବା ବେଳେ ମା’ ଏବଂ ଶିଶୁ ଦୁହେଁ ସୁସ୍ଥ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭିଡିଓରେ ସେ ତୈମୁରଙ୍କ ଭଳି ନିଜ ପୁଅକୁ ଲାଇମ୍ଲାଇଟ୍କୁ ଆଣିବାକୁ ଚାହୁଁ ନଥିବା କହିବା ସହ ନିଜ ପୁଅର ନାଁ କ’ଣ ରଖିବେ ସେ ନେଇ ଦ୍ୱନ୍ଦରେ ଥିବା କହିଥିଲେ । ଏହା ସହ ନିଜ ପତ୍ନୀ ଏବଂ ପୁଅର ସୁସ୍ଥ ସ୍ୱାସ୍ଥ୍ୟ ପାଇଁ କାମନା କରିବାକୁ ଭିଡିଓ ଜରିଆରେ କହିଥିଲେ ସୋଏବ୍ । ତେବେ ସୋଏବ୍ଙ୍କ ଏଭଳି ଭିଡିଓ ସାମ୍ନାକୁ ଆସିବା ପରେ ଅନେକ ଲୋକଙ୍କୁ ତାଙ୍କ କଥା ପସନ୍ଦ ଆସି ନ ଥିବା ଦେଖାଯାଇଛି ।