ନିର୍ବାଚନ ଜିତିବା ପରେ ପରିବାର ସହ ଛୁଟି କଟାଇବାକୁ ବାହାରିଲେ ସନ୍ନି ଦେଓଲ, ଲୋକେ କହିଲେ; ବୁଲିବା ପରିବର୍ତ୍ତେ ସମାଜ ପାଇଁ କିଛି କର
ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନରେ ପଞ୍ଜାବର ଗୁରୁଦାସପୁରରୁ ବିପୁଳ ଭୋଟ ପାଇ ବିଜୟର ମୁକୁଟ ପିନ୍ଧିଥିଲେ ବଲିଉଡ୍ ଅଭିନେତା ସନ୍ନି ଦେଓଲ । ତେବେ ନିର୍ବାଚନ ଜିତିବା ପରେ ସେ ଗୁରୁଦାସପୁରକୁ ଯାଇ ନ ଥିବାରୁ ଲୋକେ ଅଭିଯୋଗ ଆଣିଛନ୍ତି । ଖାସ୍ କରି ତାଙ୍କର ବୁଲିବାର ଫଟୋ ଏବଂ ଭିଡିଓ ଭାଇରାଲ ହେବା ପରେ ଲୋକେ ତୀବ୍ର ପ୍ରତିକ୍ରିୟା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସନ୍ନି ଦେଓଲ ନିଜ ଇନ୍ଷ୍ଟାରେ ଏକ ଭିଡିଓ ସେୟାର କରି, ଏବେ ମୁଁ ହିମାଚଳ ପ୍ରଦେଶର କାଜା ରାସ୍ତାରେ ଅଛି । ଏହା ବହୁତ ସୁନ୍ଦର ସ୍ଥାନ ହୋଇଥିବା ବେଳେ ଗତବର୍ଷ ମଧ୍ୟ ମୁଁ ଏଠାକୁ ଆସିଥିଲି । ଏଠାରେ ବହୁତ ଭଲ ଲୋକ ଥିବା ସହ ଖାଇବା ମଧ୍ୟ ଭଲ । ମୁଁ ଅଧଘଣ୍ଟା ପର୍ଯ୍ୟନ୍ତ ଏଠାରେ ରହିବି । ଏଠାକୁ ଆସି ମୋତେ ବହୁତ ଭଲ ଲାଗିଲା ବୋଲି ଭିଡିଓରେ କହୁଥିବା ଦେଖା ଯାଇଛି । କିନ୍ତୁ କ୍ୟାପ୍ସନରେ ଏହା ବର୍ଷେ ତଳର ପୁରୁଣା ଭିଡିଓ ବୋଲି ଲେଖିଛନ୍ତି ସନ୍ନି । ତେବେ ତାଙ୍କର ଏଭଳି ଭିଡିଓ ସାମ୍ନାକୁ ଆସିବା ପରେ ଲୋକମାନଙ୍କ ପ୍ରତିକ୍ରିୟା ଆସିବା ଆରମ୍ଭ ହୋଇ ଯାଇଛି । କିଛି ଲୋକ ଗୁରୁଦାସପୁର ଆଡ଼େ ମଧ୍ୟ ଆସ ବୋଲି କହିଥିବା ବେଳେ କିଛି ଜିତିବା ପରେ ବୁଲିବା ପରିବର୍ତ୍ତେ ସମାଜ ପାଇଁ କିଛି କର ବୋଲି କହିଛନ୍ତି ।