ତୈମୁରଙ୍କ ବିବାହକୁ ନେଇ ବଡ଼ ଖୁଲାସା : ୨୦ବର୍ଷ ପରେ ଏହି ପରିବାରର ଝିଅ ହେବ କରୀନାଙ୍କ ବୋହୂ
ମୁମ୍ବାଇ : ଦୁଇ ବର୍ଷର ହୋଇ ମଧ୍ୟ ଭାରତର ପ୍ରଧାନମନ୍ତ୍ରୀ ମୋଦିଙ୍କୁ ଟକ୍କର ଦେବା ଆରମ୍ଭ କରିଛନ୍ତି ସୈଫ୍-କରୀନାଙ୍କ ପୁଅ ତୈମୁର ଅଲ୍ଲୀ ଖାନ୍ ! କୌଣସି ଫିଲ୍ମ ସାଇନ୍ ନ କରି ମଧ୍ୟ ତାଙ୍କର କ୍ରେଜ୍ ଲୋକମାନଙ୍କ ମଧ୍ୟରେ ଦେଖିବାକୁ ମିଳୁଛି । ତାଙ୍କର ଗୋଟିଏ ଗୋଟିଏ ଫଟୋ ୧୫୦୦ ଟଙ୍କାରେ ବିକ୍ରି ହେଉଥିବା ବେଳେ ଏବେ ତୈମୁର ଟଏ ମଧ୍ୟ ବାହାର କରାଯାଇଛି । ତେବେ ନିକଟ ଅତୀତରେ ଏହି ସବୁ ଜିନିଷ ପାଇଁ ତୈମୁର ଚର୍ଚ୍ଚାରେ ରହିଥିବା ବେଳେ ଏବେ ନିଜ ବିବାହକୁ ନେଇ ସେ ଚର୍ଚ୍ଚାରେ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜ୍ଞା ହଁ! ବଲିଉଡ୍ର ଜଣେ ସେଲିବ୍ରିଟି ତୈମୁରଙ୍କୁ ନିଜ ଜ୍ୱାଇଁ କରିବା ପାଇଁ ମନ ବନାଇ ନେଇଥିବା ଜଣା ପଡ଼ିଛି । ବଲିଉଡ୍ର ନିର୍ଦ୍ଦେଶକ-ପ୍ରଯୋଜକ କରଣ ଜୋହର ତୈମୁରଙ୍କୁ ନିଜ ଜ୍ୱାଇଁ କରିବାକୁ ଚାହୁଁଥିବା ଜଣାପଡ଼ିଛି । କରଣ ନିଜ ଝିଅ ରୁହି ସହିତ ତୈମୁରଙ୍କ ବିବାହ କରିବେ ବୋଲି ମନସ୍ଥ କରିଛନ୍ତି । କରୀନା ଏବଂ କରଣ ଦୁହେଁ ଭଲ ସାଙ୍ଗ ହୋଇଥିବା ବେଳେ ରୁହି ଏବଂ ତୈମୁରଙ୍କ ସବୁବେଳେ ଏକା ସାଙ୍ଗରେ ଖେଳୁଥିବାର ଦେଖାଯାଇଥାଏ । ଦୁହିଁଙ୍କୁ ଦେଖିବା ପରେ କରଣଙ୍କ ମନରେ ଏଭଳି ଭାବନା ଆସିଥିଲା, ଯାହା ସେ କରୀନାଙ୍କୁ ଜଣାଇଥିଲେ । ଏ ନେଇ ସେ ରୁହିକୁ ତୈମୁରଙ୍କୁ ଭାଇ ଡ଼ାକିବା ପାଇଁ ମଧ୍ୟ ମନା ମଧ୍ୟ କରିଥିବା ଜଣାପଡ଼ିଛି । ତେବେ ତୈମୁର କାହା ଘର ଜ୍ୱାଇଁ ହେବେ ତାହା ଦେଖିବାକୁ ବାକି ରହିଲା ।