ଆମିର୍ ଖାନ୍ଙ୍କ ପ୍ରଯୋଜନା ସଂସ୍ଥା ଦ୍ୱାରା ନିର୍ମାଣ କରାଯାଉଥିବା ଏହି ଫିଲ୍ମ ପାଇଁ ପ୍ରଥମେ ଅଡିସନ୍ ଦେଇଥିଲେ ବରୁଣ,କିନ୍ତୁ…..
ମୁମ୍ବାଇ : ବଲିଉଡ୍ ଅଭିନେତା ବରୁଣ ଧଓ୍ଵନ ନିଜ ବାପା ଡେଭିଡ୍ ଧଓ୍ଵନଙ୍କ ସହ ଗୋଆରେ ଚାଲୁଥିବା ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଅଫ୍ ଇଣ୍ଡିଆରେ ଯୋଗ ଦେଇଥିଲେ । ଏହି ଅବସରରେ ସେ ବଲିଉଡ୍ରେ ନିଜ କ୍ୟାରିୟର ଆରମ୍ଭ ବେଳର କିଛି କଥା ସମସ୍ତଙ୍କୁ ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଜଣେ ନିର୍ଦ୍ଦେଶକଙ୍କ ପୁଅ ହୋଇ ମଧ୍ୟ ମୁଁ କେବେ ତାଙ୍କ ନିର୍ଦ୍ଦେଶିତ ଫିଲ୍ମରୁ କ୍ୟାରିୟର ଆରମ୍ଭ କରିବାକୁ ଚାହୁଁ ନଥିଲି । ସେଥି ପାଇଁ ୨୦୧୧ରେ ରିଲିଜ୍ ହୋଇଥିବା ଫିଲ୍ମ ‘ଧୋବି ଘାଟ୍’ ପାଇଁ ମୁଁ ଅଡ଼ିସନ ଦେଇଥିଲି । କିନ୍ତୁ ଅଡ଼ିସନରେ ମୋତେ ବଛା ଯାଇ ନଥିଲା । ଘରକୁ ମନ ଦୁଃଖରେ ଫେରିବା ପରେ ବାପା ମୋତେ ରାଗିଥିଲେ । ତୁ ‘ଧୋବି ଘାଟ୍’ ଭଳି ଫିଲ୍ମରୁ ନିଜ କ୍ୟାରିୟର ଆରମ୍ଭ କରିବା ପାଇଁ କେମିତି ଭାବୁଥିଲୁ ବୋଲି କହିିଥିଲେ । କିନ୍ତୁ ଗୋଟେ ବର୍ଷ ପରେ ୨୦୧୨ରେ ମୋତେ ‘ଷ୍ଟୁଡ଼େଣ୍ଟ ଅଫ୍ ଦ ଇୟର’ରେ ସୁଯୋଗ ମିଳିଥିଲା ବୋଲି କହିଥିଲେ ବରୁଣ । ଏହା ସହ ସବୁ ଫିଲ୍ମରେ ଗୋଟେ ଜୋକର ରହିଥାନ୍ତି । ଛୋଟବେଳୁ ମୁଁ ଫିଲ୍ମର ଜୋକର ହେବାର ସ୍ୱପ୍ନ ଦେଖି ଆସୁଥିଲି ବୋଲି ବରୁଣ ସମସ୍ତଙ୍କୁ ଜଣାଇଥିଲେ ।