ନୂଆଦିଲ୍ଲୀ: ପେନସନ୍ ପ୍ରୋତ୍ସାହନ ଯୋଜନା ଅନୁସାରେ ସରକାର ୩ ବର୍ଷ ପର୍ଯ୍ୟନ୍ତ ନୂଆ କର୍ମଚାରୀଙ୍କ ମୂଳ ଦରମାର ୧୨ ପ୍ରତିଶତ ପର୍ଯ୍ୟନ୍ତ ପେନସନ ଦେବେ । ଏହି ଯୋଜନା ଅନୁସାରେ ସରକାର ଆଶା ରଖିଛନ୍ତି କମ୍ପାନିଗୁଡ଼ିକ ଉପରେ ଦରମା ବୋଝ କମ୍ ପଡ଼ିବ ଏବଂ ଏଥିପାଇଁ ପାଖାପାଖି ୧ କୋଟି ଲୋକଙ୍କୁ ଚାକିରି ମଳିବ ବୋଲି ସରକାର ଆଶା ରଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ କ୍ୟାବିନେଟରେ ପେନସନ୍ ପ୍ରୋତ୍ସାହନ ଯୋଜନାକୁ ମଞ୍ଜୁରି ମିଳିଛି । ଏହି ଯୋଜନା ଅନୁସାରେ ସରକାର ୩ ବର୍ଷ ପର୍ଯ୍ୟନ୍ତ ନୂଆ କର୍ମଚାରୀଙ୍କ ମୂଳ ଦରମାର ୧୨ ପ୍ରତିଶତ ପର୍ଯ୍ୟନ୍ତ ପେନସନ ପ୍ରଦାନ କରିବେ । ଶ୍ରମମନ୍ତ୍ରୀ ସନ୍ତୋଷ ଗଙ୍ଗୱାର କହିଛନ୍ତି, କେନ୍ଦ୍ର ସରକାର ଚାକିରି ଦେବାର ପ୍ରତିଶ୍ରୁତିକୁ ପାଳନ କରୁଛନ୍ତି । ୨୦୧୬ରେ ଏହି ଯୋଜନାକୁ ଲାଗୁ କରାଯାଇଥିଲା। ସେବେଠୋରୁ ଏବେ ପର୍ଯ୍ୟନ୍ତ ୩୦ ଲକ୍ଷ ଲୋକ ଏହି ଯୋଜନାର ଲାଭ ଉଠାଇ ସାରିଛନ୍ତି । ସରକାରକାଙ୍କ ଆଶା ଏହି ଯୋଜନା ଅନୁସାରେ ୧ କୋଟି ଲୋକଙ୍କୁ ଚାକିରି ମିଳିବ । ଯୋଜନାକୁ ସଫଳ କରିବା ପାଇଁ ସରକାର ଏହାର ବଜେଟ୍ ୬,୫୦୦ରୁ ବୃଦ୍ଧି କରି ୧୦,୦୦୦ କୋଟି ରଖିବେ। ଏହି ଯୋଜନା ପୋଷାକ ବ୍ୟବସାୟ କ୍ଷେତ୍ରରେ ଲାଗୁ ହୋଇସାରିଛି ।
ସୂଚନା ଅନୁସାରେ ଯେଉଁ କର୍ମଚାରୀଙ୍କୁ ୮.୩୩ ପ୍ରତିଶତ ପେନସନ ପ୍ରୋତ୍ସାହନ ଅନୁସାରେ ଦିଆଯାଇଥିିଲା, ତାଙ୍କୁ ନୂଆ ଯୋଜନା ଅନୁସାରେ ୧୨ ପ୍ରତିଶତ ହିସାବରେ ବାକି ଟଙ୍କା ଦିଆଯିବ । ତେବେ ଏହି ଟଙ୍କା ଚାକିରି ମିଳିବାର ପ୍ରାଥମିକ ୩ ବର୍ଷ ପର୍ଯ୍ୟନ୍ତ ପାଇଁ ହିଁ ଏହି ସୁବିଧା ମିଳିବ । ଯେଉଁ କର୍ମଚାରୀମାନେ ୨୦୧୬ ଏପ୍ରିଲ କିମ୍ବା ତା’ପରୁ ଠାରୁ ନିଯୁକ୍ତ ପାଇଛନ୍ତି ତାଙ୍କୁ ଏହି ସୁବିଧା ମିଳିବ କିନ୍ତୁ ଗୋଟିଏ ସର୍ତ୍ତରେ । ଯଦି ତାଙ୍କର ଦରମା ୧୫୦୦୦ ଟଙ୍କା ରହିଛି ।