ନୂଆଦିଲ୍ଲୀ : ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲ୍ଲାରେ ମଙ୍ଗଳବାର ଏକ ଯାତ୍ରୀବାହୀ ବସ୍ ଘାଟିରୁ ତଳକୁ ଖସି ପଡ଼ିବାରୁ ୮ଜଣଙ୍କର ମୃତ୍ୟୁ ଘଟିଛି । ଘଟଣାସ୍ଥଳରେ ୫ଜଣ ମୃତ୍ୟୁବରଣ କରିଥିବା ବେଳେ ଡାକ୍ତରଖାନାରେ ୩ଜଣଙ୍କର ଜୀବନ ଯାଇଛି। ବସ୍ ମଧ୍ୟରେ ପ୍ରାୟ ୨୦-୨୫ଜଣ ଯାତ୍ରୀ ଥିଲେ ଓ ମୃତକଙ୍କୁ ଛାଡ଼ି ଅନ୍ୟ ସମସ୍ତେ ଗୁରୁତର ଆହତ ହୋଇଥିବା ଜଣାପଡ଼ିଛି। ତେବେ ଦ୍ରୁତି ଗତି ପାଇଁ କି ବ୍ରେକ୍ ଫେଲ୍ ହେବାରୁ ବସ୍ଟି ଖସି ପଡ଼ିଥିଲା, ତାହା ସ୍ପଷ୍ଟ ହୋଇ ପାରି ନାହିଁ । ଘାଟି ରାସ୍ତାରେ ଯିବା ବେଳେ ପ୍ରାୟ ୬୦ଫୁଟ୍ ତଳକୁ ଖସି ପଡ଼ିବାରୁ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
Andhra Pradesh: Eight dead after a tourist bus overturned in East Godavari district. The accident took place between Maredumilli and Chinturu pic.twitter.com/NErHm0lTzl
— ANI (@ANI) October 15, 2019
ସୂଚନା ମୁତାବକ, ବସ୍ଟି ରାଜାମହେନ୍ଦ୍ରୀରୁ ୪୦ କିଲୋମିଟର ଦୂରରେ ଥିବା ମରେଡୁମିଲିରୁ ଫେରୁଥିବା ବେଳେ ଦୁର୍ଘଟଣାର ଶିକାର ହୋଇଥିଲା । ବାଲ୍ମିକୀକୋଣ୍ଡାଠାରେ ବସ୍ଟି ବୁଲାଣି ବୁଲୁଥିବା ବେଳେ ନିୟନ୍ତ୍ରଣ ହରାଇ ଘାଟି ତଳକୁ ଖସି ପଡ଼ିଥିଲା । ସ୍ଥାନୀୟ ଲୋକଙ୍କ କହିବା ଅନୁଯାୟୀ, ମରେଡୁମିଲି ଓ ଚିନ୍ତୁରର ରାସ୍ତା ଖୁବ୍ ସଂକୀର୍ଣ୍ଣ । ବର୍ଷା ହେତୁ ଏହାର ଅବସ୍ଥା ଆହୁରି ଖରାପ ହୋଇ ଯାଇଥିଲା । ଏବେ ବି ବର୍ଷା ଲାଗି ରହିଥିବା ହେତୁ ଗାଡ଼ି ଚଳାଇବା କଷ୍ଟକର ହୋଇ ପଡ଼ିଛି, ଯାହା ପାଇଁ ଦୁର୍ଘଟଣା ଘଟୁଛି ।