ଝାଡଖଣ୍ଡରେ ଏନକାଉଣ୍ଟର : ତିନିଜଣ ନକ୍ସଲଙ୍କର ପ୍ରାଣହାନି , ଜଣେ ସିଆରପିଏଫ ଯବାନ ସହିଦ
ରାଞ୍ଚି: ଝାଡଖଣ୍ଡ ବେଲଭାଘାଟ ଜଙ୍ଗଲରେ ତିନିଜଣ ନକ୍ସଲଙ୍କର ପୁଲିସ୍ ଏନକାଉଣ୍ଟରରେ ପ୍ରାଣହାନି ଘଟିଥିବା ଜଣାଯାଇଛି। ତେବେ ଏହି ଏନକାଉଣ୍ଟରରେ ଜଣେ ସିଆରପିଏଫ ଯବାନ ସହିଦ ହୋଇଥିବା ଜଣାଯାଇଛି ।
ସେମାନଙ୍କ ପାଖରୁ ବିପୁଳ ମାତ୍ରାରେ ଅସ୍ତ୍ରଶସ୍ତ୍ର ଜବତ ହୋଇଛି । ଏହା ପୁଲିସର ଏକ ବଡ ଧରଣର ସଫଳତା ବୋଲି ବି କୁହାଯାଉଛି। ମିଳିଥିବା ସୂଚନା ଅନୁଯାୟୀ ଆଜି ବେଲଭାଘାଟରେ ନକ୍ସଲମାନେ ଲୁଚି ରହିଥିବା ଖବର ପାଇବାମାତ୍ରେ ସିଆରପିଏଫ ୭ମ ବାଟାଲିୟନ ପକ୍ଷରୁ ସେଠାରେ ସର୍ଚ୍ଚ ଅପରେସନ୍ ଆରମ୍ଭ ହୋଇଥିଲା । ଯବାନ ମାନଙ୍କୁ ଦେଖିବା ପରେ ନକ୍ସଲମାନେ ପ୍ରଥମେ ଗୁଳିଚାଳନା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହାପରେ ଯବାନମାନେ ସଙ୍ଗେସଙ୍ଗେ ଗୁଳିଚାଳନା କରିଥିଲେ। ଏହି ସମୟରେ ଯବାନ ଏବଂ ନକ୍ସଲଙ୍କ ମଧ୍ୟରେ ଭୀଷଣ ଗୁଳି ବିନିମୟ ହୋଇଥିଲା । ଏଥିରେ ଭୟଭୀତ ହୋଇ ନକ୍ସଲମାନେ ପଳାୟନ କରିଥିଲେ । ତେବେ ୩ଜଣ ନକ୍ସଲ ପୁଲିସର ଗୁଳିମାଡ଼ରେ ପ୍ରାଣ ହରାଇଥିବାର ସୂଚନା ମିଳିଛି। ଘଟଣାସ୍ଥଳରୁ ଗୋଟିଏ ଏ କେ୪୭ ରାଇଫଲ, ୩ଟି ମାଗାଜିନ ଏବଂ ୪ଟି ବୋମା ଉଦ୍ଧାର କରାଯାଇଛି ।