ଆଫଗାନିସ୍ତାନ ଯୁଦ୍ଧ : ୨୦ ବର୍ଷରେ ୨୪୦୦ ଆମେରିକୀୟ ସୈନ୍ୟ ମୃତ, ୨.୩ ଲକ୍ଷ କୋଟି ଡଲାର ବ୍ୟୟ
ଲକ୍ଷାଧିକ ଆଫଗାନ ସେନା ଓ ସାଧାରଣ ନାଗରିକ ମୃତ
କାବୁଲ : ଅଗଷ୍ଟ ୩୦ରେ କାବୁଲର ହାମିଦ କାର୍ଜାଇ ଅନ୍ତର୍ଜାତୀୟ ବିମାନ ବନ୍ଦରରୁ ଆମେରିକୀୟ ସି-୧୭ ବିମାନ ଶେଷ ଥର ପାଇଁ ଉଡ଼ାଣ ଆରମ୍ଭ କରିବା ସହ ଆଫଗାନିସ୍ତାନରୁ ଆମେରିକୀୟ ସୈନ୍ୟଙ୍କ ପ୍ରତ୍ୟାବର୍ତ୍ତନ ପ୍ରକ୍ରିୟା ଶେଷ ହୋଇଛି । ଏହା ସହିତ ବିଦେଶ ମାଟିରେ ଆମେରିକାର ସବୁଠାରୁ ଲମ୍ବା ଯୁଦ୍ଧର ପରିସମାପ୍ତି ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ୨୦୦୧ରେ ଆଫଗାନିସ୍ତାନ ଉପରେ ଆମେରିକାର ଆକ୍ରମଣ ସହ ଆରମ୍ଭ ହୋଇଥିବା ଏହି ଯୁଦ୍ଧ ଦୀର୍ଘ ୨୦ ବର୍ଷ ପରେ ଶେଷ ହୋଇଛି । ଏହି ୨୦ ବର୍ଷରେ ଆଫଗାନିସ୍ତାନ ମାଟିରେ ମୋଟ ୨୪୦୦ ଆମେରିକୀୟ ସୈନ୍ୟ ଓ ୩୮୪୬ ଆମେରିକୀୟ ମିଲିଟାରି କଣ୍ଟ୍ରାକ୍ଟର ନିହତ ହୋଇଛନ୍ତି । ଏହି ଯୁଦ୍ଧ ପାଇଁ ଆମେରିକା ପ୍ରାୟ ୨.୩ ଟ୍ରିଲିୟନ (ଲକ୍ଷ କୋଟି) ଡଲାର ବ୍ୟୟ କରିଛି । କିନ୍ତୁ ଏହି ଯୁଦ୍ଧରେ ସର୍ବାଧିକ କ୍ଷତିଗ୍ରସ୍ତ ହୋଇଛି ଆଫଗାନିସ୍ତାନ । ଗତ ୨୦ ବର୍ଷରେ ପ୍ରାୟ ୬୬ ହଜାର ଆଫଗାନ ସେନା ଓ ପୁଲିସ କର୍ମଚାରୀ ପ୍ରାଣ ହରାଇଛନ୍ତି । କେବଳ ଏତିକି ନୁହେଁ, ୪୭,୨୪୫ ଆଫଗାନ ନାଗରିକ ପ୍ରାଣ ହରାଇଛନ୍ତି । ଅନ୍ୟପକ୍ଷରେ ଏହି ଯୁଦ୍ଧରେ ପ୍ରାୟ ୨ ହଜାର ଆତଙ୍କବାଦୀ ପ୍ରାଣ ହରାଇଛନ୍ତି ।