ବାଲାକୋଟ ଭଳି ଏୟାର ଷ୍ଟ୍ରାଇକ ପାଇଁ ଭାରତ ୨୪ ଘଣ୍ଟା ପ୍ରସ୍ତୁତ: ବାୟୁସେନା ମୁଖ୍ୟ
ନୂଆଦିଲ୍ଲୀ: ବାଲାକୋଟ ଭଳି ଏୟାର ଷ୍ଟ୍ରାଇକ ପାଇଁ ଭାରତୀୟ ବାୟୁସେନା ୨୪ ଘଣ୍ଟା ପ୍ରସ୍ତୁତ, କିଛି ଏଭଳି ବୟାନ ଦେଇଛନ୍ତି ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶଲ ରାକେଶ କୁମାର ସିଂ ଭଦୋରିଆ | ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ସେ କହିଛନ୍ତି ଯେ କରୋନା ଭଳି ସମୟରେ ମଧ୍ୟ ସୀମାରେ ବାୟୁସେନା ପ୍ରସ୍ତୁତ ହୋଇ ରହିଛି | ବାଲାକୋଟ ପରି ଏୟାର ଷ୍ଟ୍ରାଇକ୍ ପାଇଁ ବାୟୁସେନାର ୨୪ ଘଣ୍ଟା ପ୍ରସ୍ତୁତ ରହିଛି | କିନ୍ତୁ ଆମକୁ ଏହି ପଦକ୍ଷେପ ନେବାକୁ ପଡିବ ନା ନେବାକୁ ପଡିବ ନାହିଁ ଏହା ଶତ୍ରୁ ଉପରେ ନିର୍ଭର କରେ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନକୁ ଭୟଭୀତ ହେବାକୁ ପଡ଼ିବ। ଆମେ କେତେବେଳେ କାର୍ଯ୍ୟାନୁଷ୍ଠାନ ନେବୁ ତାହା ଆମେ ସ୍ଥିର କରିବୁ | ଯେପର୍ଯ୍ୟନ୍ତ ସେମାନେ ଆତଙ୍କବାଦ କାର୍ଯ୍ୟକଳାପ ବନ୍ଦ ନକରନ୍ତି, ସେମାନଙ୍କୁ ଚିନ୍ତା କରିବାକୁ ପଡିବ ଯେ ଆମେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବୁ |
ଏୟାର ଚିଫ୍ ମାର୍ଶଲ ରାକେଶ କୁମାର ସିଂ ଭଦୋରିଆ କହିଛନ୍ତି ଯେ ପାକିସ୍ତାନରୁ ଘଟୁଥିବା ପ୍ରତ୍ୟେକ କାର୍ଯ୍ୟକଳାପ ଉପରେ ଆମର ସେନା ଜବାବ ଦେଉଛି । ଆମେ ପାକ ଅଧିକୃତ କାଶ୍ମୀରରେ ପାକିସ୍ତାନର କାର୍ଯ୍ୟକଳାପ ଉପରେ ନଜର ରଖିଛୁ | ଯେତେବେଳେ ବି ଆମ ମାଟିରେ କୌଣସି ଆତଙ୍କବାଦୀ କାର୍ଯ୍ୟ ହୁଏ, ସେମାନଙ୍କୁ ସତର୍କ ରହିବାକୁ ପଡିବ | ପାକିସ୍ତାନକୁ ଭୟଭୀତ ହେବାକୁ ପଡ଼ିବ। ଆମେ କେବେ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ତାହା ସ୍ଥିର କରିବୁ।