ନୂଆଦିଲ୍ଲୀ : ହିମାଳୟ ପାର୍ବତ୍ୟାଞ୍ଚଳରେ ନିଜର ସମର କ୍ଷମତାକୁ ବଢାଇବାକୁ ଭାରତୀୟ ସେନା କେତେକ ପଦକ୍ଷେପ ନେବାକୁ ନିଷ୍ପତ୍ତି ନେଇଛି । ଏସବୁ ଅଂଚଳରେ ୧୦୫ ଏମଏମ ମାଉଣ୍ଟେଡ୍ ଗନ ସିଷ୍ଟମ୍ସ ଲଗାଇବାକୁ ସେନା ନିଷ୍ପତ୍ତି ନେଇଛି ।
Sambad is now on WhatsApp
Join and get latest news updates delivered to you via WhatsApp
ଏସବୁ ଗନ ସିଷ୍ଟମ୍ସ କ୍ରୟ ପାଇଁ ସେନା ପକ୍ଷରୁ ଶୁକ୍ରବାରଦିନ ଏକ ରିକ୍ବେଷ୍ଟ ଫର ଇନଫର୍ମେସନ (ଆରଏଫଆଇ) ପ୍ରକାଶ ପାଇଛି । ଏହାର ପରବର୍ତ୍ତୀ ପର୍ଯ୍ୟାୟରେ ସେନା ପକ୍ଷରୁ ଟେଣ୍ଡର ଆହ୍ବାନ କରାଯିବ ।
ଭାରତୀୟ ସେନା ପୂର୍ବରୁ ଟଓ୍ବେଡ୍ ଗନ ସିଷ୍ଟମ୍ସର ବ୍ୟବହାର କରୁଥିଲା, ଯେଉଁଗୁଡ଼ିକ ମାଉଣ୍ଟଡେ ଗନ ସିଷ୍ଟମ୍ସ ତୁଳନାରେ ଲମ୍ବା ଓ ଓଜନିଆ ଥିଲା । ଫଳରେ ଏଗୁଡ଼ିକୁ ହିମାଳୟର ଉଚ୍ଚ ତଥା ଦୁର୍ଗମ ପାର୍ବତ୍ୟାଞ୍ଚଳକୁ ନେବା କଷ୍ଟକର ହେଉଥିଲା । ମାଉଣ୍ଟେଡ୍ ଗନ ସିଷ୍ଟମ୍ସକୁ ଭାରତୀୟ ସେନା ମୁଖ୍ୟତଃ ଚୀନକୁ ଲାଗିଥିବା ସୀମାରେ ଲଗାଇବାର ସମ୍ଭାବନା ରହିଛି । ଏହା ଫଳରେ ପାର୍ବତ୍ୟ ଯୁଦ୍ଧ କ୍ଷେତ୍ରରେ ଭାରତୀୟ ସେନାକୁ ସହାୟତା ମିଳିପାରିବ ।
ଭାରତୀୟ କମ୍ପାନିମାନଙ୍କ ଦ୍ବାରା ନିର୍ମିତ ମାଉଣ୍ଟେଡ୍ ଗନ ସିଷ୍ଟମ୍ସ ଖରିଦ ପାଇଁ ସେନାର ଯୋଜନା ରହିଛି । ସରକାର ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରଶୀଳତା ଉପରେ ଗୁରୁତ୍ବ ଦେଉଥିବାରୁ ଏସବୁ ଅସ୍ତ୍ର ଭାରତ ଭିତରୁ ହିଁ କିଣାଯିବ । ରାଷ୍ଟ୍ରାୟତ୍ତ କମ୍ପାନି ଭାରତ ଫର୍ଜ ପକ୍ଷରୁ ମଲଟି ଟେରେନ ଆର୍ଟିଲାରୀ ଗନ ଉତ୍ପାଦନ କରାଯାଇଥାଏ । ଗତ ବର୍ଷ ଏକ ମିଲିଟାରୀ ଅଭ୍ୟାସ ବେଳେ ଭାରତ ଫର୍ଜ ଏହାର ପ୍ରଦର୍ଶନ କରିଥିଲା ।