ବିହାର: ଆସନ୍ତାକାଲିଠାରୁ ବିହାର ବୋର୍ଡ ଇଣ୍ଟର ପରୀକ୍ଷା ଆରମ୍ଭ ହୋଇଯାଇଛି। ପରୀକ୍ଷାକୁ ଦୁଇ ଦିନ ହୋଇ ନଥିବା ବେଳେ ସରକାରଙ୍କ ଶିକ୍ଷା ବିଭାଗର ସତ୍ୟତା ସାମ୍ନାକୁ ଆସିଛି। ସରକାର ପ୍ରଥମ ଦିନରେ ହିଁ ପରୀକ୍ଷା ଆୟୋଜନ ସଠିକ୍ ଭାବରେ ପରିଚାଳନା କରିବାରେ ସକ୍ଷମ ହୋଇ ନଥିଲେ। ଇଣ୍ଟରମିଡିଏଟ ପରୀକ୍ଷାରେ ବଡ଼ ଅବହେଳାର ଏକ ଘଟଣା ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣା କିଶୋର କଲେଜ ମୋତିହାରୀ ପରୀକ୍ଷା କେନ୍ଦ୍ରର ରହିଛି। ଏଠାରେ ପିଲାମାନେ ରାତି ୮ ଟା ପର୍ଯ୍ୟନ୍ତ ପରୀକ୍ଷା ଦେଇଥିଲେ। କେବଳ ଏତିକି ନୁହେଁ, ସରକାରଙ୍କ ବ୍ୟବସ୍ଥା ଏତେ ଜବରଦସ୍ତ ଥିଲା ଯେ ଯାନବାହାନର ହେଡଲାଇଟ ଜଳାଇ ପରୀକ୍ଷା କେନ୍ଦ୍ର ଆଲୋକିତ କରାଯାଇଥିଲା।
ମହାରାଜା ହରେନ୍ଦ୍ର କିଶୋର କଲେଜ ମୋତିହାରୀ ପରୀକ୍ଷା କେନ୍ଦ୍ରରେ ଦ୍ୱିତୀୟ ସିଫ୍ଟ ପରୀକ୍ଷାରେ ଗତକାଲି ଅପରାହ୍ନ ୪.୩୦ ପର୍ଯ୍ୟନ୍ତ ପରୀକ୍ଷାର୍ଥୀଙ୍କୁ ଉତ୍ତର ସିଟ୍ ଦିଆଯାଇ ନଥିଲା। ଦ୍ୱିତୀୟ ସିଫ୍ଟରେ ହିନ୍ଦୀ ପରୀକ୍ଷା ଥିଲା । ସମୟ ଅତିବାହିତ ହେଉଥିବା ଦେଖି ପରୀକ୍ଷାର୍ଥୀମାନେ ପରୀକ୍ଷା କେନ୍ଦ୍ରରେ ଉତ୍ତେଜନା ଆରମ୍ଭ କରିଥିଲେ। ଘଟଣା ସମ୍ପର୍କରେ ଖବର ପାଇ ମୋତିହାରୀ ସଦର ଏସଡିଓ, ଡିଏସପି ସମେତ ତିନଟି ପୁଲିସ ଷ୍ଟେସନର ପୁଲିସଘଟଣାସ୍ଥଳରେ ପହଞ୍ଚି ଥିଲେ।
ବହୁବୁଝାସୁଝା ପରେ ପରିସ୍ଥିତିକୁ ପୁଲିସ ନିୟନ୍ତ୍ରଣକୁ ଆଣିଥିଲା। ଏହା ପରେ ଅପରାହ୍ନ ୪.୩୦ ପରେ ଛାତ୍ରମାନଙ୍କୁ ଉତ୍ତର ସିଟ୍ ଦିଆଯାଇଥିଲା ଏବଂ ଛାତ୍ରଛାତ୍ରୀମାନେ ଗାଡି ହେଡଲାଇଟ ଓ ଜେନେରେଟର ଲାଇଟରେ ରାତି ୮ ଟା ପର୍ଯ୍ୟନ୍ତ ହିନ୍ଦୀ ପରୀକ୍ଷା ପତ୍ର ଦେଇଥିଲେ।