୨୦ ବର୍ଷରେ ଓଡ଼ିଶାରେ ହେବେ ଅଧିକ ଦୁଇଗୁଣ କ୍ୟାନ୍ସର ରୋଗୀ !
ନୂଆଦିଲ୍ଲୀ: ଭାରତ ସମେତ ସମଗ୍ର ବିଶ୍ୱରେ କ୍ୟାନ୍ସର ରୋଗୀଙ୍କ ସଂଖ୍ୟା ତୀବ୍ର ଗତିରେ ବଢ଼ିବାରେ ଲାଗିଛି ଭାରତରେ କ୍ୟାନ୍ସରର ସ୍ଥିତିକୁ ନେଇ କିଛି ଏଭଳି ତଥ୍ୟ ସାମ୍ନାକୁ ଆସିଛି ଯାହାକି ସମସ୍ତଙ୍କୁ ତାଜୁବ କରିଛି | ରିପୋର୍ଟରେ କୁହାଯାଇଛି ଯେ ପ୍ରତି ୨୦ ବର୍ଷରେ ଏହି ରୋଗରେ ଆକ୍ରାନ୍ତଙ୍କ ସଂଖ୍ୟା ଦୁଇ ଗୁଣ ବଢ଼ିବାରେ ଲାଗିଛି, ଆଉ କ୍ୟାନ୍ସରରେ ଭାରତର ୮ଟି ରାଜ୍ୟରେ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି |
Sambad is now on WhatsApp
Join and get latest news updates delivered to you via WhatsApp
ଜର୍ଣ୍ଣାଲ ଅଫ ଗ୍ଲୋବାଲ ଅଙ୍କୋଲୋଜିରେ ପ୍ରକାଶିତ ରିପୋର୍ଟରେ କୁହାଯାଇଛି ଯେ କୋଲକାତା ସ୍ଥିତ ଟାଟା ମେଡିକାଲ ସେଣ୍ଟର ପକ୍ଷରୁ କୁହାଯାଇଛି ଯେ ଉତ୍ତରପ୍ରଦେଶ, ବିହାର, ଝାଡ଼ଖଣ୍ଡ, ଉତ୍ତରାଖଣ୍ଡ, ମଧ୍ୟପ୍ରଦେଶ, ଛତିଶଗଡ଼, ଓଡିଶା ଓ ରାଜସ୍ଥାନରେ କ୍ୟାନ୍ସର ରୋଗୀଙ୍କ ସଂଖ୍ୟା ବହୁ ମାତ୍ରାରେ ବଢ଼ିବାରେ ଲାଗିଛି |
ତେବେ ରିପୋର୍ଟରେ କୁହାଯାଇଛି ଯେ ଏହି ୮ଟି ରାଜ୍ୟରେ କ୍ୟାନ୍ସର ସମ୍ବଦ୍ଧିୟ ଚିକିତ୍ସା ପାଇଁ ସେଭଳି କିଛି ସୁବିଧା ସୁଯୋଗ ମଧ୍ୟ ନାହିଁ | ଯଦି ଏହାକୁ ସମାଧାନ ନ କରାଯାଏ ତେବେ ସ୍ଥିତି ଆହୁରି ଗମ୍ଭୀର ହୋଇଯିବ ବୋଲି କୁହାଯାଇଛି | ୨୦୧୮ ମସିହାରେ ୧୧ ଲକ୍ଷ ମାମଲା ସାମ୍ନାକୁ ଆସିଥିବାବେଳେ ୨୦୪୦ ସୁଦ୍ଧା ଏହି ସଂଖ୍ୟା ଦୁଇ ଗୁଣ ବୃଦ୍ଧି ପାଇଯିବ ବୋଲି ଜଣାପଡିଛି |