ନୂଆଦିଲ୍ଲୀ : ଚୀନ ପ୍ରଥମ ଥର ପାଇଁ ସ୍ୱୀକାର କରିଛି ଯେ ଭାରତୀୟ ବାୟୁସେନା ଏହା ପାଇଁ ଏକ ବିପଦ । ଭାରତୀୟ ବାୟୁସେନା ଆସାମରେ ନିଜର ସବୁଠାରୁ ଲଢୁଆ ସୁଖୋଇ-୩୦ ବିମାନ ମୃତୟନ କରିବା ପରେ ଚୀନ ମଧ୍ୟ ସୀମା ସେପଟେ ନିଜର ସବୁଠାରୁ ଆଧୁନିକ ଜେ-୨- ଚେଙ୍ଗଡୁ ମୃତୟନ କରିଛି ।
Sambad is now on WhatsApp
Join and get latest news updates delivered to you via WhatsApp
ଚୀନ ସରକାରଙ୍କ ମୁଖପତ୍ର ଗ୍ଲୋବାଲ ଟାଇମ୍ସରେ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ଚୀନର ଅତ୍ୟାଧୁନିକ ଷ୍ଟେଲଥ ବିମାନ ଜେ-୨୦ ଚେଙ୍ଗଡୁ ଚୀନର ବାୟୁ ସେନାରେ ସାମିଲ ହୋଇଛି । ଶତ୍ରୁ ପକ୍ଷକୁ ତୁରନ୍ତ ଜବାବ ଦେବାରେ ଏହାର କୌଣସି ମୁକାବିଲା ନାହିଁ ।
ଆମେରିକା ନିଜ ଇଚ୍ଛା ଅନୁସାରେ ଚୀନ ନିକଟବର୍ତ୍ତି ଅଂଚଳକୁ ଷ୍ଟେଲଥ ଏୟାରକ୍ରାଫ୍ଟ ପଠାଉଥିବାବେଳେ ଜାପାନ, ଦକ୍ଷିଣ କୋରିଆ ଓ ଭାରତ ଏପରି ଯୁଦ୍ଧ ବିମାନ କିଣୁଛନ୍ତି । ଏଣୁ ଏସବୁ ଦେଶମାନଙ୍କଠାରୁ ଚୀନ ପ୍ରତି ବିପଦ ବଢିଯାଇଛି । ତୁରନ୍ତ ସୁରକ୍ଷା ଆବଶ୍ୟକତା ମେଣ୍ଟାଇବା ପାଇଁ ଚେଙ୍ଗଡୁକୁ ସାମିଲ କରାଯାଇଛି ବୋଲି ଏହି ରିପୋର୍ଟରେ କୁହାଯାଇଛି ।
ଚୀନ ସେନାର ମୁଖପତ୍ର କୁହାଯାଉଥିବା ଚାଇନା ମିଲିଟାରୀ ଅନଲାଇନରେ ମଧ୍ୟ ଏହି ରିପୋର୍ଟ ପ୍ରକାଶ ପାଇଛି । ଏହି ରିପୋର୍ଟରେ ପ୍ରଥମଥର ପାଇଁ ଭାରତୀୟ ବାୟୁସେନାକୁ ଚୀନ ନିଜ ପାଇଁ ଏକ ବିପଦ ବୋଲି ବିବେଚନା କରିଛି । କେବଳ ଜେ-୨୦ ନୁହେଁ ଚୀନ ଆଉ ଏକ ଷ୍ଟେଲଥ ଏୟାରକ୍ରାଫ୍ଟ ନିର୍ମାଣ କରୁଛି ଯାହାର ନାଁ ରଖାଯାଇଛି ଏଫସି-୩୧ ।