ଆଫଗାନିସ୍ତାନକୁ ଭାରତ ଉପହାର ଦେଇଥିବା ଏମ-୩୫ ଚପରକୁ ଅକ୍ତିଆରକୁ ନେଲା ତାଲିବାନ !
ନୂଆଦିଲ୍ଲୀ: ଆଫଗାନିସ୍ତାନର ଅନେକ ଅଞ୍ଚଳକୁ ନିଜ କବଜାକୁ ନେଇସାରିଛି ତାଲିବାନ। ଆଫଗାନିସ୍ତାନର ୮ ପ୍ରାଦେଶିକ ସହରକୁ ନିଜ ନିୟନ୍ତ୍ରଣକୁ ନେଇ ସାରିଥିବା ତାଲିବାନ୍ ଏବେ ଭାରତ ଆଫଗାନିସ୍ତାନକୁ ଉପହାର ଦେଇଥିବା ଏମ-୩୫ ଚପରକୁ ନିଜ ଅକ୍ତିଆରକୁ ନେଇଥିବା ଜଣାପଡ଼ିଛି। ସୋସିଆଲ ମିଡିଆରେ ଏକ ଭିଡିଓ ଏବେ ଭାଇରାଲ ହେଉଛି, ଯେଉଁଥିରୁ ଏହି ଖବର ସାମ୍ନାକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
Video reportingly shows #Taliban captured Kunduz airport with #Afghanistan Air Force Mi-35 Hind attack helicopter pic.twitter.com/u7jZJdR800
— Joseph Dempsey (@JosephHDempsey) August 11, 2021
ସୋସିଆଲ ମିଡିଆ ପ୍ଲାଟଫର୍ମରେ ଏକାଧିକ ଥର ସେୟାର କରାଯାଇଥିବା ଏହି ଭିଡିଓ ଫୁଟେଜରେ ଦେଖାଯାଇଛି ଯେ, ଏମ-୩୫ ଚପର ରହିଥିବା ସ୍ଥାନରେ ଜଣେ ତାଲିବାନୀ ଭଳି ଦିଶୁଥିବା ବ୍ୟକ୍ତି ବାଇକ୍ ଚଳାଇ ଯାଉଛି। ଭିଡିଓ ଦେଖିବା ପରେ ଚପରଟି କୁଣ୍ଡୁଜ ବିମାନବନ୍ଦରରେ ପାର୍କ ହୋଇଥିବା ବିଶ୍ୱାସ କରାଯାଉଛି।
ଗତ ସପ୍ତାହରେ ଆଫଗାନିସ୍ତାନର କୁଣ୍ଡୁଜ ସହର ତାଲିବାନ କବଜାକୁ ଚାଲିଯାଇଥିବା ବେଳେ ତାଲିବାନୀମାନେ ଭାରତ ଉପହାର ଦେଇଥିବା ଚପରକୁ ନିଜ କବଜାକୁ ନେଇଥିବା ନେଇ ଚର୍ଚ୍ଚା ଜୋର ଧରିଛି। ଚପରରେ ଥିବା ସିରିଏଲ ନଂ ଭାରତ ଉପହାର ଦେଇଥିବା ଚପରର ସିରିଏଲ ନଂ ସହ ମିଶୁଥିବାରୁ ଏହା ଭାରତ ପକ୍ଷରୁ ଦିଆଯାଇଥିବା ଚପର ବୋଲି କୁହାଯାଉଛି। ତେବେ ଏ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ।