ଭାରତରେ ରହୁଥିବା ବିଦେଶୀ ନାଗରିକ କରୋନା ଟିକା ନେଇପାରିବେ
ନୂଆଦିଲ୍ଲୀ : ଭାରତରେ ରହୁଥିବା ବିଦେଶୀ ନାଗରିକମାନେ ଏବେ କରୋନା ଟିକା ନେଇପାରିବେ । ଏ ସମ୍ପର୍କରେ ଆଜି କେନ୍ଦ୍ର ସରକାର ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ସୂଚନା ଅନୁସାରେ ଭାରତରେ ରହୁଥିବା ବିଦେଶୀ ନାଗରିକମାନେ କୋଓ୍ବିନ ପୋର୍ଟାଲରେ ପଂଜୀକରଣ କରି ଟିକା ନେଇପାରିବେ । ସେମାନେ ନିଜର ପାସପୋର୍ଟକୁ ପରିଚୟପତ୍ରଭାବେ ଦେଖାଇପାରିବେ । ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଭାରତରେ ଏକ ବଡ଼ ସଂଖ୍ୟାରେ ବିଦେଶୀ ଲୋକ ରହୁଛନ୍ତି ।
ବିଶେଷକରି ମହାନଗରଗୁଡ଼ିକରେ ଅଧିକ ପରିମାଣରେ ବିଦେଶୀ ନାଗରିକ ରହିଛନ୍ତି । ମହାନଗରରେ ଜନସଂଖ୍ୟାର ଘନତ୍ବ ଅଧିକ ଥିବାରୁ କରୋନା ବ୍ୟାପିବାର ଆଶଙ୍କା ଅଧିକ । ଏଣୁ ସବୁ ଯୋଗ୍ୟ ନାଗରିକଙ୍କୁ ଟିକା ଦିଆଯିବାକୁ ନିଷ୍ପତ୍ତି ନିଆଯାଇଛି ।
ବିଦେଶୀ ନାଗରିକମାନଙ୍କୁ ଟିକା ଦିଆଯିବା ଦ୍ବାରା ସେମାନେ ସୁରକ୍ଷିତ ରହିବେ । ଏହା ଦ୍ବାରା କରୋନା ସଂକ୍ରମଣ ବ୍ୟାପିବାକୁ ରୋକାଯାଇପାରିବ ।
ସୂଚନାଯୋଗ୍ୟ ଯେ, ଭାରତରେ ଗତ ଜାନୁଆରି ୧୬ରେ କରୋନା ଟିକାକରଣ ଆରମ୍ଭ ହୋଇଥିଲା । ଗତ ଅଗଷ୍ଟ ୬ ସୁଦ୍ଧା ଦେଶରେ ୫୦ କୋଟି ଲୋକଙ୍କୁ ଟିକା ଦିଆଯାଇଛି ।