ଜାପାନୀ ମାନଙ୍କର ଏପରି ବିଜୟୋତ୍ସବ ଦେଖି ସମସ୍ତେ ତାଜୁବ୍
ଟୋକିଓ : ଜାପାନୀମାନେ ନିଜର ଶୃଙ୍ଖଳିତ ଜୀବନଯାପନ ପାଇଁ ବେଶ୍ ଜଣାଶୁଣା । ନିଜ ଦେଶରେ ଥାଆନ୍ତୁ ବା ବିଦେଶରେ, ସେମାନେ ସବୁବେଳେ ଶୃଙ୍ଖଳା ମାନି ଚଳନ୍ତି । ବିଶ୍ବକପ୍ ଫୁଟବଲ ଦେଖିବାକୁ ଯାଇଥିବା ଜାପାନୀ ଫ୍ୟାନମାନେ ମ୍ୟାଚ ପରେ ଷ୍ଟାଡିୟମକୁ ସଫା କରି ସମସ୍ତଙ୍କ ପ୍ରସଂଶାର ପାତ୍ର ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇତି ମଧ୍ୟରେ ସେମାନଙ୍କ ଶୃଙ୍ଖଳାର ଆଉ ଏକ ନମୁନା ଦେଖିବାକୁ ମିଳିଛି ଗତ କାଲି ଜର୍ମାନୀ ଉପରେ ଜାପାନ ଦଳର ବିଜୟ ପରେ । ରାଜଧାନୀ ଟୋକିଓରେ ଫ୍ୟାନମାନେ ବିଜୟ ଉତ୍ସବ ପାଳନ ପାଇଁ ରାସ୍ତାକୁ ଓହ୍ଲାଇ ଆସିଥିଲେ ।
#JPN fans are so courteous that their public street celebrations after beating #GER are only conducted when the traffic lights are red. pic.twitter.com/hJliG21m4E
— Colin Millar (@Millar_Colin) November 23, 2022
ଆମ ଦେଶରେ କୌଣସି ବିଜୟ ଉତ୍ସବ ( ନିର୍ବାଚନ ହେଉ ଅଥବା କ୍ରିକେଟ୍ ମ୍ୟାଚ) ପାଳନ ପାଇଁ ଲୋକମାନେ ରାସ୍ତାକୁ ଏକରକମ ଅଧିକାର କରିନିଅନ୍ତି ଓ ଅଟକି ରହିଥିବା ଲୋକମାନଙ୍କ ସମସ୍ୟା ପ୍ରତି ଆଦୌ ଦୃଷ୍ଟି ଦିଅନ୍ତି ନାହିଁ । କିନ୍ତୁ ଜାପାନୀମାନେ ରାସ୍ତାରେ ବିଜୟୋତ୍ସବ ପାଳନ କଲେ ସତ, କିନ୍ତୁ ଅନ୍ୟମାନଙ୍କୁ ସମସ୍ୟାରେ ନ ପକାଇ ।
ଫ୍ୟାନମାନେ ଟ୍ରାଫିକ ଲାଇଟ୍ ଲାଲ ଥିବାବେଳେ ରାସ୍ତା ମଝିକୁ ଆସି ସେଲିବ୍ରେଟ କରୁଥିଲେ । ଯେତେବେଳେ ଲାଇଟ୍ ସବୁଜ ହୋଇଯାଉଥିଲା, ସେମାନେ ରାସ୍ତାକଡ଼କୁ ଚାଲିଯାଇ ଗାଡ଼ିମାନଙ୍କୁ ଛାଡ଼ିଦେଉଥିଲେ । ଏହିପରି ଭାବେ ସାଧାରଣ ଲୋକଙ୍କର କୌଣସି ସମସ୍ୟା ହେଉନଥିଲା ।
ଟ୍ବିଟର ଓ ଅନ୍ୟ ସୋସିଆଲ ମିଡିଆରେ ଜାପାନୀମାନଙ୍କ ଏପରି ନିଆରା ଉତ୍ସବ ପାଳନ ଶୈଳୀକୁ ଲୋକମାନେ ପ୍ରସଂଶା କରୁଛନ୍ତି ।