ମୁମ୍ବାଇ : ଘରୋଇ ବିମାନସେବା କମ୍ପାନି ଜେଟ ଏୟାରୱେଜ ର ବିମାନ ସେବା ଏବେ ସାମୟିକ ଭାବେ ବନ୍ଦ ରହିଛି । କମ୍ପାନିର ଭବିଷ୍ୟତ କଣ ତାହା କେହି କହିପାରୁନାହାନ୍ତି । ସେପଟେ କମ୍ପାନିର କର୍ମଚାରୀମାନେ ମାସ ମାସ ଧରି ଦରମା ପାଇନଥିବାରୁ ଆର୍ଥିକ ଅନାଟନରେ ଦିନ କାଟୁଛନ୍ତି । ଆଜି ମୁମ୍ବାଇରେ ରହୁଥିବା ଜେଟ ଏୟାରୱେଜର ଜଣେ ଟେକନିସିଆନ ଛାତରୁ ଡେଇଁ ଆତ୍ମହତ୍ୟା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଶୈଲେସ ସିଂ ନାମକ ୪୫ ବର୍ଷୀୟ ଏହି ବ୍ୟକ୍ତି ଆର୍ଥିକ ସଂକଟରେ ପଡି ଆତ୍ମହତ୍ୟା କରିଛନ୍ତି ବୋଲି ଜେଟ କର୍ମଚାରୀ ସଂଘ କହିଛି । କିନ୍ତୁ କ୍ୟାନସରରେ ପୀଡିତ ହୋଇ ସେ ଆତ୍ମହତ୍ୟା କରିଛନ୍ତି ବୋଲି ମୁମ୍ବଇ ପୁଲିସ କହିଛି । ତାଙ୍କର ସ୍ତ୍ରୀ, ୨ ଝିଅ ଓ ୨ ପୁଅ ଅଛନ୍ତି । ଜେଟ୍ ଏୟାରୱେଜର କର୍ମଚାରୀମାନେ ଗତ ୩ ମାସ ହେଲା ଦରମା ପାଇନାହାନ୍ତି । ଆଗକୁ କେବେ ଦରମା ମିଳିବ ତାହା ମଧ୍ୟ ଅନିଶ୍ଚିତ ରହିଛି ।