ଧମକକୁ ନଡରିବାରୁ ଗୁଳି ଚଳାଇଲେ ଆତଙ୍କବାଦୀ, ୪ ନିହତ
ଶ୍ରୀନଗର: ଜମ୍ମୁ-କଶ୍ମୀରର ସୋପରେ ଜିଲ୍ଲାରେ ଶୁକ୍ରବାର ରାତିରେ ହୋଇଥିବା ଆତଙ୍କବାଦୀ ଆକ୍ରମଣରେ ଜଣେ ୪ ବର୍ଷୀୟା ନାବାଳକ ସମେତ ୪ ଜଣ ନିହତ ହୋଇଛନ୍ତି। ଆଙ୍କବାଦୀମାନେ ପୂର୍ବରୁ ଦେଇଥିବା ଧମକକୁ ଅମାନ୍ୟ କରିବାରୁ ସେମାନେ ଏପରି ଘଟାଇଥିବା ସୂଚନା ରହିଛି। ଆତଙ୍କବାଦୀମାନେ ନିକଟ ଅତୀତରେ ଫଳ ବେପାରୀମାନଙ୍କୁ ଧମକ ଦେଇ ଜମ୍ମୁ-କଶ୍ମୀର ବାହାରକୁ ସେଓ ନ ପଠାଇବାକୁ ଚେତାବନୀ ଦେଇଥିଲେ। ଏହି ଆକ୍ରମଣରେ ୪ ଜଣ ନିହତ ହୋଇଥିବା ବେଳେ ବହୁ ଆହତ ହୋଇଛନ୍ତି। ଆହତମାନଙ୍କ ମଧ୍ୟରେ ଜଣେ ନାବାଳିକା ସମେତ ମହମ୍ମଦ ଅସରଫ, ମହମ୍ମଦ ରମଜାନ, ଇର୍ସାଦ ହୁସେନ ଆଦି ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ଗତ ଅଗଷ୍ଟ ୫ ତାରିଖରେ ଜମ୍ମୁ-କଶ୍ମୀରରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଧାରା ୩୭୦ ଉଚ୍ଛେଦ କରିବା ପରେ ସଂପୃକ୍ତ ଅଞ୍ଚଳକୁ ଆଙ୍କବାଦମୁକ୍ତ କରିବାର ସ୍ୱପ୍ନ ଦେଖିଥିବା ବେଳେ ପରିବର୍ତ୍ତିତ ନିୟମକୁ ଗ୍ରହଣ କରି ପାରିନାହାନ୍ତି ଆତଙ୍କୀ। ସେମାନେ ପୂର୍ବ ନିୟମ ବଜାୟ ରଖିବା ଉଦେଶ୍ୟରେ ଜମ୍ମୁ-କଶ୍ମୀର ଫଳ ବାହାରକୁ ନ ଯିବାକୁ ଫଳ ବେପାରୀଙ୍କୁ ଧମକ ଦେଇଥିଲେ।