ମନ୍ଦିରରେ ବିବାହ କରିବା ପରେ ରେଜିଷ୍ଟ୍ରେସନ୍ ପାଇଁ ଯାଉଥିଲେ ପ୍ରେମୀଯୁଗଳ, ବାଟରେ ଦୁର୍ଘଟଣା ନେଇଗଲା ଜୀବନ
ବେଙ୍ଗଲୁରୁ : ଦୁଇ ଯୁବକ-ଯୁବତୀ ପରସ୍ପରକୁ ଭଲ ପାଉଥିବା ବେଳେ ସାରା ଜୀବନ ସାଥୀରେ ରହିବାର ସ୍ୱପ୍ନ ଦେଖୁଥିଲେ । କିନ୍ତୁ ଦୁହିଁଙ୍କ ଜାତି ଅଲଗା ହୋଇଥିବାରୁ ପରିବାର ଲୋକେ ବିବାହ ପାଇଁ ରାଜି ହୋଇ ନଥିଲେ । ଯାହା ପରେ ପ୍ରେମୀଯୁଗଳ ମନ୍ଦିରରେ ବିବାହ କରିବା ପାଇଁ ନିଷ୍ପତ୍ତିି ନେଇଥିଲେ । ମନ୍ଦିରରେ ବିବାହ କରିବା ପରେ ଭବିଷ୍ୟତରେ କୌଣସି ସମସ୍ୟା ନ ହେଉ ସେ ନେଇ ବିବାହ ପଞ୍ଜିକରଣ କରିବା ନିହାତି ଆବଶ୍ୟକ ବୋଲି ଜାଣି ଦୁହେଁ ବିବାହ ପଞ୍ଜିକରଣ ଅଫିସକୁ ଯିବାକୁ ବାହାରିଥିଲେ । ବାଇକ୍ରେ ବିବାହ ପଞ୍ଜିକରଣ କରିବା ପାଇଁ ଦୁହେଁ ବାହାରିଥିବା ବେଳେ ରାସ୍ତାରେ ଦୁର୍ଘଟଣାର ଶିକାର ହୋଇ ପ୍ରାଣ ହରାଇଥିବା ଜଣା ପଡ଼ିଛି । ସାଥୀରେ ବଞ୍ଚିବାର ସ୍ୱପ୍ନ ଦେଖୁଥିବା ପ୍ରେମୀଯୁଗଳଙ୍କ ସ୍ୱପ୍ନ ସ୍ୱପ୍ନରେ ରହି ଯାଇଛି । ଘଟଣାଟି କର୍ଣ୍ଣାଟକର ହୋଇଥିବା ବେଳେ ମୃତ୍ୟୁବରଣ କରିଥିବା ପ୍ରେମୀଯୁଗଳଙ୍କ ନାଁ ସହାନା(୧୯) ଏବଂ ଦର୍ଶନ(୨୨)ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସହାନା ଏବଂ ଦର୍ଶନ ପରସ୍ପରକୁ ଭଲ ପାଉଥିବା ସହ ନିଜ ନିଜର ପରିବାର ଲୋକଙ୍କୁ ବିବାହ ପାଇଁ ରାଜି କରାଇବାକୁ ଚେଷ୍ଟା କରିଥିଲେ । କିନ୍ତୁ ଜାତି ଅଲଗା ହୋଇଥିବାରୁ ପରିବାର ଲୋକେ ମାନି ନଥିଲେ। ପରେ ନିଜ ନିଜର ବନ୍ଧୁଙ୍କ ସହାୟତାରେ ଦୁହେଁ ମନ୍ଦରରେ ବିବାହ କରି ନେଇଥିଲେ । ପରିବାର ଲୋକେ ଦୁହିଁଙ୍କ ସଂପର୍କକୁ ସ୍ୱୀକାର କରିବା ସହ ବିବାହ ପଞ୍ଜିକରଣ କରିବାକୁ ପରାମର୍ଶ ଦେଇଥିଲେ । ପରିବାର ଲୋକଙ୍କ କଥା ମାନି ବିବାହ ପଞ୍ଜିକରଣ କରିବାକୁ ଯାଉଥିବା ବେଳେ ଦୁହେଁ ସବୁଦିନ ପାଇଁ ଆରପାରିକୁ ଚାଲି ଯାଇଥିଲେ ।