କୁକୁଡ଼ା ମାଂସ ତରକାରୀର ନାମ ବ୍ରାହ୍ମଣ ଜାତି ସହ ଜଡ଼ିତ ଶବ୍ଦକୁ ନେଇ ରଖିଥିବାରୁ କ୍ଷମା ମାଗିଲା ମଦୁରାଇର ହୋଟେଲ
ମଦୁରାଇ : ନିଜ ହୋଟେଲରେ ବ୍ରାହ୍ମଣ ସମ୍ପ୍ରଦାୟକୁ ନେଇ କୁକୁଡ଼ା ମାଂସ ତରକାରୀର ନାଁ ରଖିଥିବାରୁ ବିବାଦ ଆରମ୍ଭ ହୋଇଥିଲା । ମଦୁରାଇରେ ଥିବା ହୋଟେଲ ମିଲାଗୁରେ ଲୋକମାନଙ୍କୁ ଦିଆଯାଉଥିବା କୁକୁଡ଼ା ମାଂସ ତରକାରୀର ନାଁ କୁମ୍ବକୋନମ ଆୟାର ଚିକେନ ବୋଲି ରଖାଯାଇଥିଲା । ଯାହାକୁ ଦେଖି ହିନ୍ଦୁ ବ୍ରାହ୍ମଣ ସମ୍ପ୍ରଦାୟ ହୋଟେଲର କର୍ତ୍ତୃପକ୍ଷଙ୍କୁ ଯାଇ ଅଭିଯୋଗ କରିଥିଲେ । ଅଭିଯୋଗ ପାଇ ହୋଟେଲର କର୍ତ୍ତୃପକ୍ଷ ନାଁକୁ ବଦଳାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ହୋଟେଲ ପକ୍ଷରୁ ଏକ ବୟାନ ଜାରି କରାଯାଇ, ବ୍ରାହ୍ମଣ ସମ୍ପ୍ରଦାୟର ପ୍ରତିନିଧିମାନେ ଆମକୁ ଦେଖା ହେବା ସହ କୁମ୍ବକୋନମ ଆୟାର ଚିକେନ ନାଁକୁ ନେଇ ନିଜର ଅସନ୍ତୋଷ ଜାହିର କରିଥିଲେ । ଆମେ ତାଙ୍କୁ ଏ ନେଇ କ୍ଷମା ମାଗିବା ସହ ଏହି ନାଁକୁ ହଟାଇ ଦେଇଛୁ । ଆଗକୁ ଆମ ଖାଦ୍ୟ ସୂଚୀରେ ଏହି ନାଁ ରହିବ ନାହିଁ । ତେବେ ଏଭଳି ଘଟଣା ନୂଆ ନୁହେଁ । ପୂର୍ବରୁ ହୋଟେଲରେ ପରଷା ଯାଉଥିବା ଖାଦ୍ୟର ନାଁକୁ ନେଇ ଅନେକ ଥର ବିବାଦ ଦେଖାଯାଇଛି ।