ଭାରତ-ପାକ ଉତ୍ତେଜନା ମଧ୍ୟରେ ୬ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମ ପଣ୍ଡ କଲା ସେନା
ଜାମ୍ମୁ : କାଶ୍ମୀରକୁ ନେଇ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଉଥିବାବେଳେ ନିୟନ୍ତ୍ରଣ ରେଖା ନିକଟରେ ଆଜି କେତେକ ସଶସ୍ତ୍ର ଆତଙ୍କବାଦୀ ଭାରତ ଭିତରକୁ ଅନୁପ୍ରବେଶ କରିବାକୁ ଉଦ୍ୟମ କରୁଥିବାବେଳେ ସେନା ସେମାନଙ୍କୁ ଘଉଡେଇଦେଇଛି ।
Sambad is now on WhatsApp
Join and get latest news updates delivered to you via WhatsApp
ସେନା ସୁତ୍ରରୁ ପ୍ରକାଶ ଯେ ଉତ୍ତର କାଶ୍ମୀରର କୁପଓ୍ଵାଡା ଜିଲ୍ଲା ନିକଟସ୍ଥ ନିୟନ୍ତ୍ରଣ ରେଖା ଦେଇ ପାକ ଅଧିକୃତ କାଶ୍ମୀର ପଟୁ ପ୍ରାୟ ୬ ଜଣ ସଶସ୍ତ୍ର ଆତଙ୍କବାଦୀ ଅନୁପ୍ରବେଶ କରିବାକୁ ଉଦ୍ୟମ କରୁଥିବା ସେନା ଜାଣିବାକୁ ପାଇବା ପରେ ତୁରନ୍ତ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା । ସେମାନେ ଭାରତୀୟ ସୀମା ଭିତରକୁ ପ୍ରାୟ ୫୦୦ ମିଟର ପଶିଆସିଥିଲେ । କିନ୍ତୁ ସର୍ଚ୍ଚ ଅପରେସନ ବେଳେ ସେନା ସହ ସେମାନଙ୍କର ଗୁଳିବିନିମୟ ହୋଇଥିଲା ।
କାଶ୍ମୀରରୁ ଧାରା ୩୭୦ ଉଠାଇବା ପାଇଁ ଭାରତର ଘୋଷଣା ପରେ ପାକିସ୍ତାନରେ ଏହାକୁ ନେଇ କଡା ବିରୋଧ ପ୍ରକାଶ ପାଇଛି । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ଭାରତ ସରକାରଙ୍କ ଏହି ପଦକ୍ଷେପକୁ ବେଆଇନ ବୋଲି ଘୋଷଣା କରିବା ସହ ଆଗକୁ ଅଧିକ ଆତଙ୍କବାଦୀ ଆକ୍ରମଣ ହେବ ବୋଲି ଚେତାଇ ଦେଇଛନ୍ତି ।