ପ୍ରତିଦିନ ନିଜେ ପିନ୍ଧୁଥିବା ମୋଜାକୁ ଶୁଙ୍ଘୁଥିଲେ ଯୁବକ, ହୋଇଗଲା ଗମ୍ଭୀର ଶାରୀରିକ ସମସ୍ୟା
ନୂଆଦିଲ୍ଲୀ : ଚୀନ୍ରେ ଯୁବକଙ୍କ ଏକ ଅଜବ ଅଭ୍ୟାସ ଥିବା କଥା ସାମ୍ନାକୁ ଆସିଛି । ପ୍ରତିଦିନ ସେ ପିନ୍ଧୁଥିବା ମୋଜାକୁ ଶୁଙ୍ଘୁଥିବା ବେଳେ ଏବେ ତାଙ୍କୁ ଗମ୍ଭୀର ଶରୀରିକ ସମସ୍ୟା ହୋଇଥିବା ଜଣାପଡ଼ିଛି । ମୋଜାର ଗନ୍ଧ ପାଇଁ ଯୁବକ ଏବେ ଫୁସ୍ଫୁସ୍ ସଂକ୍ରମଣର ଶିକାର ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଚୀନ୍ରେ ରହୁଥିବା ଏହି ଯୁବକ ପ୍ରତିଦିନ କାମରୁ ଫେରି ନିଜ ପୋଷାକ କାଢ଼ିବା ପରେ ପିନ୍ଧିଥିବା ମୋଜାକୁ ଶୁଙ୍ଘିଥାନ୍ତି । ଅନେକ ବର୍ଷ ପର୍ଯ୍ୟନ୍ତ ଯୁବକଜଣଙ୍କ ଅଫିସରୁ ଫେରିବା ପରେ ଏହି କାମ ଆଗ କରୁଥିଲେ । ଯୁବକଙ୍କ ଶରୀରରୁ ଅଧିକ ଝାଳ ବାହାରୁଥିବାରୁ ସେ ପିନ୍ଧୁଥିବା ମୋଜାରେ ଫଙ୍ଗସ ଲାଗି ଯାଇଥିଲା । ଯାହାଦ୍ୱାରା ସେ ସେହି ମୋଜାକୁ ଶୁଙ୍ଘିବା ଦ୍ୱାରା ନାକ ଦେଇ ସେହି ଫଙ୍ଗସ୍ ପେଟ ଭିତରକୁ ଯାଇଥିଲା । ଯାହା ପାଇଁ ଏବେ ତାଙ୍କ ଫୁସ୍ଫୁସ୍ ସଂକ୍ରମଣର ଶିକାର ହୋଇଥିବା ଜଣାପଡ଼ିଛି । ବାରମ୍ବାର ଦେହ ଖରାପ ହେବାରୁ ଯୁବକଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । ଏକ୍ସ ରେ କରାଯିବା ପରେ ଯୁବକଙ୍କ ଶାରୀରିକ ସମସ୍ୟା ସାମ୍ନାକୁ ଆସିଥିଲା ।