ଟେରର ଫଣ୍ଡିଙ୍ଗ ଅଭିଯୋଗରେ ଜାମ୍ମୁକାଶ୍ମୀରରେ ୪୫ରୁ ଅଧିକ ସ୍ଥାନରେ ଚଢ଼ାଉ କଲା ଏନଆଇଏ
ଶ୍ରୀନଗର: ଆତଙ୍କବାଦୀଙ୍କୁ ପାଣ୍ଠି ଯୋଗାଣର ସୂଚନା ପାଇବା ପରେ ଜାମ୍ମୁ କାଶ୍ମୀରର ଅନେକ ସ୍ଥାନରେ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଚଢ଼ାଉ କରିଛି । ସୂଚନାନୁସାରେ, ରାଜ୍ୟର ୪୫ରୁ ଅଧିକ ସ୍ଥାନରେ ଏନଆଇଏ ଚଢ଼ାଉ ଜାରି ରଖିଛି । ଜମ୍ମୁକାଶ୍ମୀରର ଶ୍ରୀନଗର, ଗାଣ୍ଡରବାଲ, ଆଖବାଲ, ଶୋପିଆନ୍, ବାନ୍ଦୀପୋରା, ରାମବନ, ଡୋଡା, କିଶତବାଡ଼, ରାଜୋରୀ ଏବଂ ଅନ୍ୟାନ୍ୟ ଜିଲ୍ଲାରେ ଚଢ଼ାଉ ଜାରି ରହିଛି |
Sambad is now on WhatsApp
Join and get latest news updates delivered to you via WhatsApp
ଚଢ଼ାଉ ସମୟରେ ଯେଭଳି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ହେବ ନାହିଁ ସେଥିପାଇଁ, ଏନଆଇଏ ଜାମ୍ମୁକାଶ୍ମୀର ପୁଲିସ ଏବଂ ସିଆରପିଏଫର ସହଯୋଗ ନେଇଛି | ଏନଆଇଏ ମୁଖ୍ୟତଃ ଜାମାତ-ଏ-ଇସଲାମି ସଂଗଠନର ସଦସ୍ୟଙ୍କ ଘରେ ଚଢ଼ାଉ କରିଛି |
୨୦୧୯ ମସିହାରେ କେନ୍ଦ୍ର ସରକାର ଜମାତ-ଏ-ଇସଲାମି ସଂଗଠନ ଉପରେ ପ୍ରତିବନ୍ଧକ ଲଗାଇଥିଲେ। ସୂଚନା ଥାଉ କି ଗତ ଜୁଲାଇ ମାସରେ ଟେରର ଫଣ୍ଡିଙ୍ଗ ମାମଲାରେ ଏନଆଇଏ ଟିମ୍ ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର ଦୁଇଟି ସ୍ଥାନରେ ଚଢ଼ାଉ କରି ତିନି ଅଭିଯୁକ୍ତଙ୍କୁ ଗିରଫ କରିଥିଲା ।